Ажәабжьқәа

Популярное

Рауль Ҳаџьымба Гули Кьычба лиубилеи лыдиныҳәалеит

139
08.06.2019 12:12
Рауль Ҳаџьымба Гули Кьычба лиубилеи лыдиныҳәалеит
Аҧсны Аҳәынҭқарра Ахада Рауль Ҳаџьымба ареспубликатә еиҿкаара “Аҧсны анацәа аҭынчреи асоциалтә иашареи рзы” ахантәаҩы, Ауаажәларратә палата алахәыла Гули Кьычба лиубилеи лыдиныҳәалеит.

Аҟәа. Рашәарамза 8. Аҧсныпресс. Адныҳәалараҿы ахәҭакахьала иазгәаҭоуп:

“Ҳаҭыр зқәу Гули Михаил-иҧҳа!

Гәык-ҧсыкала ишәыдысныҳәалоит шәиубилеитә ныҳәамш– шәиижьҭеи 70 шықәса аҵра! Шәара шәанысит ахьанҭарақәа маҷымкәа изцу аҧсҭазааратә мҩа. Аус ахьыжәуазаалак – Д. И. Гәлиа имемориалтә ҩны-музеи аҿы, И. Коҕониа ихьӡ зху Аҟәатәи акультуратә Центр аҿы иаашәырҧшуан аҭакҧхықәра ҳаракы, шәнапы ианыз иарбан усзаалак профессионалтә ҟазшьала, зыҟаҵара бзиала азнеишьа.

Аҧсны Жәлар рџьынџьтәылатә еибашьра (1992-1993 шш.)  раҧхьатәи амшқәа инадыркны шәыҷкәынцәа Арзамеҭи Дмитрии Аҭарбақәа Аҧсны ахьчаҩцәа гәымшәақәа рыгәҭа игылан. Арзамеҭ Ҭарба наунагӡа ихҵоуп Аҧсны Афырхаҵа ҳәа ахьӡ ҳаракы. Аибашьратә трагедиа ишәзыннажьыз агәырҩа-бааҧс шәаиааины, тәамҩахә ҟамҵа, шәазықәҧоит аҭынчра, шәашьҭоуп ҳажәлар ргәы ашьҭыхра.

 Акыр шықәса инеиҧынкыланы напхгара ашәҭоит аҭынчреи асоциалтә иашареи ирзықәҧо Анацәа Рхеидкыла. Хаҭала Шәареи шәҩызцәеи раҧшьгарала ари ауаажәларратә еиҿкаара аус дуқәа мҩаҧнагоит Аҧсны зхы ақәызҵаз аибашьцәа хьӡырҳәагақәа рыхьӡ акамыршәразы, урҭ рҭаацәарақәа рыгәцаракразы, Аҧсни Урыстәылеи (ҷыдалагьы Нхыҵ-Кавкази) реигәныҩра арҕәҕәаразы, ҳҳәынҭқарра ахьыҧшымра аӡыргаразы.

Хаҭала Шәара шәрылахәын амилаҭбжьаратә еимакқәа рҭышәныртәалара иазкыз жәларбжьаратәи аконференциақәа. Активла шәрылахәуп Аҧсни уи анҭыҵи имҩаҧысуа ахҭысқәа.

Напхгара ззыжәуа ауаажәларратә еиҿкаара иалшаз рацәоуп ҳреспублика асоциалтә бзазараҿы аҧҳәыс лроль, лаҳаҭыр ашьҭыхраҿы! 

Ишәзеиҕьасшьоит агәамч ҕәҕәа, ашықәсынҵыра ду, аманшәалара, шәнапы злаку ауаажәларратә усураҿы аихьӡара ҿыцқәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа