Ажәабжьқәа

Популярное

Рауль Ҳаџьымба аспектакль “Қьиалышьбеи” азы: аҭоурых аиҭаҟалара аҟазшьа амоуп, убри аҟнытә уи иҳанаҭо аҿырҧшқәа зегьы ҳасаб рзура хымҧадатәиуп

478
09.02.2018 11:58
Рауль Ҳаџьымба аспектакль “Қьиалышьбеи” азы: аҭоурых  аиҭаҟалара аҟазшьа амоуп, убри аҟнытә уи иҳанаҭо аҿырҧшқәа зегьы ҳасаб рзура хымҧадатәиуп
Аҧсны Аҳәынҭқарра Ахада Рауль Ҳаџьымба Аҧсны аҳәынҭқарратә драматә театр аҿы иқәдыргылаз аспектакль “Қьиалышьбеи” дахәаҧшит.

Аҟәа. Жәабранмза 9. Аҧсныпресс. Дырмит Басариа. С. Ҷанба ихьӡ зху Аҧсны аҳәынҭқарратә драматә театр аҿы ашәҟәыҩҩы Анӡор  Мықәба  еихьӡылоу ипиеса ала арежиссиор Шьалуа Гыцба иқәиргылаз аспектакль “Қьиалышьбеи” ахәаҧшцәа идырбан. Аспектакль дахәаҧшит Аҳәынҭқарра Ахада Рауль Ҳаџьымба.  

Аспектакль анхыркәшаха ашьҭахь, Аҧсныпресс акорреспондент диҿцәажәо, уи изцәырнагаз ацәаныррақәеи  игәаанагареи ртәы еиҭаҳәо, Рауль Џьумка-иҧа инаҵшьны иазгәеиҭеит: “Аспектакль сгәаҵанӡа инаӡеит. Ахәаҧшцәа аӡәырҩы рылаҕырӡ шырзаанымкылоз умбар залшомызт. Ари адрама Аҧсны ахәынҭқарра аргылараҿы изнысыз амҩа хьанҭа атәы зеиҕьаҟам ала иҳанаҳәоит. Акзаареи амчра азгәышьреи иахнарҧааны иамаз ачарҳәаҩцәа гәымбылџьбарала Қьиалышьбеи ишьра ргәаҕьит. Убри рхы иархәаны, егьырҭ аимпериақәа хара ицоз рыгәҭакқәа рынагӡара рҽазыршәеит. Аҭоурых аиҭаҟалара аҟазшьа амоуп, убри аҟнытә уи иҳанаҭо аҿырҧшқәа зегьы ҳасаб рзура хымҧадатәиуп”.  


(АП): Ашәҟәыҩҩы  Анӡор  Мықәба еихьӡылоу ипиеса ала иқәыргылоу аҭоурыхтә драма “Қьиалышьбеи” аҿы имҩаҧысуа ахҭысқәа XIX ашәышықәса алагамҭа иаҵанакуеит. Усҟан Аҧсҳа Қьиалышьбеи Чачба (Шервашиӡе) еицамкуа аполитикатә амчха ҕәҕәа аарҧшны, Османтәи аимпериа алҵра илиршеит, аха уи гәымшәарыла имҩаҧигоз амбициатә политика амчра амыцхәрас Османтәи аимпериа адгыларазы ажәа зҭихьаз аҧснытәи афеодалцәа рҕьырак рганахьала аҿагылара ҕәҕәа аиуит. Ахәҭакахьала, Урыстәылатәи аимпериа, аҧснытәи афеодалцәа рыҩныҵҟатәи аиҿагылареи Аҧсни Османтәи ампериеи реизыҟазаашьақәа рхыбгалареи ахы иархәаны, Аҧсны ахылаҧшра анапахьы аагара азы маӡа-аргама аусура нанагӡоит. Османтәи асулҭан идгылаҩцәеи урыстәылатәи аимператор имҵахырхыҩцәеи аҧснытәи аҳ иуаажәлари ишьақәдыргылоз аполитикатә мчрақәа хҧа  реиҿагылараҿы гәымбылџьбарала еиҿкаахаз ачарҳәаҩра далаӡит Аҧсны аҳ Қьиалышьбеи Чачба. 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа