Ажәабжьқәа

Популярное

Рауль Ҳаџьымба Аслан Бжьаниа игәабзиара аҭагылазаашьа азы: Ари аҭагылазаашьаҟны аҳақьымтә мҳәа-мырзареи адиагноз алаҳәара алмыршареи рахь ахгарақәа ҟамлароуп ҳәа исыҧхьаӡоит”

123
17.05.2019 16:11
Рауль Ҳаџьымба Аслан Бжьаниа игәабзиара аҭагылазаашьа азы: Ари аҭагылазаашьаҟны аҳақьымтә мҳәа-мырзареи адиагноз алаҳәара алмыршареи рахь ахгарақәа ҟамлароуп ҳәа исыҧхьаӡоит”
Аҳәынҭқарра Ахада Рауль Ҳаџьымба Ашәарҭадара Ахеилак аилатәара мҩаҧигеит.

Аҟәа. Лаҵарамза 17. Аҧсныпресс. Аҧсны Аҳәынҭқарра Ахада Рауль Ҳаџьымба изаамҭанытәиу ахада иалхрақәа рыламҭалазы иҟоу ауаажәларра-политикатә ҭагылазаашьа иазкны аҳәынҭқарратә шәарҭадара Ахеилак аилатәара мҩаҧигеит. Аҳәынҭқарра Ахада инаҵшьны иазгәеиҭеит:

“Апарламент адепутат Аслан Бжьаниеи ҩыџьа ицхырааҩцәеи ргәабзиаразы иҵабыргу аинформациа аҟамзаара ауаажәларраҟны аҭагылазаашьа аруадаҩуеит. Ҳтәылауаа џьоукы, Тамшь ақыҭаҟны аизараҿы еиҧш рцәажәарақәа аҭышәнымтәаларатә ҟазшьа рымоуп. Абри инамаданы знапы иану ҳусбарҭақәа уснагӡатәны рҿаҧхьа иқәгылоуп – хара имгакәа аусҭҵаараҟынӡатәи агәаҭарақәа рҳәаақәа ирҭагӡаны иҟоу аинформациа аизгареи аихшьала аҟаҵареи”, – ҳәа иазгәеиҭеит Аҳәынҭқарра Ахада.

Рауль Ҳаџьымба Ашәарҭадара Ахеилак алахәылацәа адырра риҭеит Урыстәылатәи Афедерациа амчратә еилазаарақәеи Ашәарҭадара Ахеилаки рнапхгаҩцәақәак ҭелла дышрацәажәаз. Урҭ Аҧсны Аҳәынҭқарра азинхьчаратә усбарҭақәа иақәнагоу аоперативтәи азинтәи цхыраара рырҭоит.

“Ари аҭагылазаашьаҟны аҳақьымтә мҳәа-мырзареи адиагноз алаҳәара алмыршареи рахь ахгарақәа ҟамлароуп ҳәа исыҧхьаӡоит”, – ҳәа инаҵшьны иазгәеиҭеит Аҳәынҭқарра Ахада.

Апрокурор Хада лаҵарамза 20 ашәахьа инаркны Урыстәылатәи Афедерациаҟны урыстәылатәи аколлегацәа аус рыцура иалаго агәыҧ шаҧҵоу, арҭ агәаҭарақәа раан ироуа аинформациа хара имгакәа ауаажәларра ишрызнагахо азы Ашәарҭадара Ахеилак адырра риҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа