Ажәабжьқәа

Популярное

Рауль Ҳаџьымба Алеко Алықьса-иҧа Гәарамиа 77-шықәса ихыҵра Амш идиныҳәалеит

91
07.09.2017 11:36
Рауль Ҳаџьымба Алеко Алықьса-иҧа Гәарамиа 77-шықәса ихыҵра Амш идиныҳәалеит
Аҳәынҭқарра Ахада Аҧснытәи аҳәынҭқарратә Университет аректор, академик Алеко Гәарамиа дидикылеит.

Аҟәа. Цәыббрамза 7. Аҧсныпресс. Дамеи Касланӡиа. Апсны Ахада Рауль Ҳаџьымба Аҧснытәи аҳәынҭқарратә Университет аректор, академик, аорден “Ахьӡ-Аҧша”  I аҩаӡара акавалер Алеко Гәарамиа 77- шықәса ихыҵра Амш идиныҳәалеит.

“Шәара уажәгьы-уажәшьҭангьы Аҧсни уи анҭыҵи ҳаҭыр ду зқәу уаҩны шәшыҟац шәаанхоит. Ас еиҧш здырра ҳараку ауаҩы дызманы, уи ила агәадура азы анасыҧ змоу ажәларқәа рацәам. ААУ иалгаз астудентцәа ироуз адыррақәа аҧсҭазаара аҿы хра злоу ахархәара арҭоит. Шәареи, наҧхгара зышәҭо ауниверситети шәҿаҧхьа имаҷымкәа аус дуқәа шьҭоуп. Ҳара ҳакәзар, иҳалшо ала ҳшәывагылоит”, – ҳәа инаҵшьны иазгәеиҭеит Рауль Ҳаџьымба. 

Аҳәынҭқарра Ахада иара убас иазгәеиҭеит: “Атәыла азы даара акырӡа аҵанакуеит Шәареи Урыстәылатәи Афедерациа иреиҳаӡоу аҵараиурҭақәеи ишәыбжьоу аусеицура. Уи ҳҳәынҭқарра аҿиара азы алшара бзиақәа аҧнаҵоит”.  

Ахәҭакахьала, Алеко Гәарамиа Аҳәынҭқарра Ахада идкыларазы ҭабуп ҳәа иаҳәо иазгәеиҭеит: “Иҟан аамҭақәак ҳара ахныҟәгареи аҟазаареи акырӡа ианаҳцәыуадаҩыз, аха акыр ацхыраара ҳарҭеит ҳколлегацәеи ҳҩызцәеи: Москватәи ауниверситет, Жәларбжьаратәи Аизыҟазаашьақәа рзы Москватәи аҳәынҭқарратә Институт (МГИМО), Казантәи ауниверситет, Нхыҵ-Кавказтәи ауниверситет, ҧыҭрак ашьҭахь урҭ рхыҧхьаӡараҿы иҟалеит аҳәаанырцәтәи иреиҳаӡоу аҵараиурҭақәа маҷымкәа. Иахьа агәра ганы исҳәар сылшоит, ААУ ҧхьаҟатәи аҧеиҧш азы шәарҭара ду ыҟаӡам ҳәа, иахьа зегьы ҳара ҳхаҭа ҳнапы икоуп. Ҳазҭоу аамҭазы Аҳәынҭқарратә Университет аҿы аҵара зҵо аҿар аҵарадырра бзиа роуртә еиҧш аҭагылазаашьа рзаҧҵоуп, имаҷымкәа иҳамоуп зыла ҳгәы дуу аҵаҩцәа”.

Аҧсны  Аҳәынҭқарра Ахада иҭижьыз Аусҧҟа инақәыршәаны, Алеко Алықьса-иҧа Гәарамиа “Аҧсны Аҳәынҭқарра анаука зҽаҧсазтәыз аусзуҩ“ ҳәа аҳаҭыртә хьӡы ихҵоуп. 

Иара убас, Аҳәынҭқарра Ахада ААУ аректор гәаларшәагас анапхаҵа сааҭ ҳамҭас ииҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа