Ажәабжьқәа

Популярное

Рауль Ҳаџьымба Аҧснытәи Аҳәынҭқарратә Телерадиоеилахәыра аколлектив аҳәынҭқарратә телехәаҧшра ашьақәгылара Амш рыдиныҳәалеит

155
06.11.2017 11:36
Рауль Ҳаџьымба Аҧснытәи Аҳәынҭқарратә Телерадиоеилахәыра аколлектив аҳәынҭқарратә телехәаҧшра ашьақәгылара Амш рыдиныҳәалеит
“Ателехәаҧшреи арадиодырраҭареи уаанӡа еиҧш иахьагьы, еиҵагыло аҿар рааӡареи акультуреи аҵарадырреи рыҿиареи, иааизакны  аҳәынҭқарра аргылара аус аҿы хәы змаӡам ароль нанагӡоит”, – ҳәа иазгәеиҭеит Рауль Ҳаџьымба.

Аҟәа. Абҵарамза 6. Аҧсныпресс.  Аҧсны Аҳәынҭқарра Ахада Рауль Ҳаџьымба Аҧснытәи Аҳәынҭқрратә Телерадиоеилахәыра аколлектив аҳәынҭқарратә телехәаҧшра ашьақәгылара Амш рыдиныҳәалеит 
Адныҳәалара аҿы ахәҭакахьала иазгәаҭоуп:

“Аҭоурыхтә рыцхә абҵарамза 6, 1978 шықәса амилаҭтә-қәҧара аихьӡара хадақәа иреиуоуп. Ари амш аҽны ҳреспублика инарҭбаау аудиториа аҟынӡа ииашоу аинформациа анагареи, аҭоурых, акультура, Аҧсны жәлар рхықәки азы ииашоу аматериалқәа рыларҵәареи рзы акырӡа зҵазкуа аинструментқәа аиуит. Ателехәаҧшреи арадиодырраҭареи уаанӡа еиҧш иахьагьы, еиҵагыло аҿар рааӡареи акультуреи аҵарадырреи рыҿиареи, иааизакны  аҳәынҭқарра аргылара аус аҿы хәы змаӡам ароль нанагӡоит.

Ателехәаҧшреи арадиои рҿы аусура хеигӡара ҟамҵаӡакәа, ицәырҵуа азҵаарақәа зегьы рыӡбара ҟазарыла азнеира уднаҵоит. Аҧснытәи аҳәынҭқарратә телехәаҧшра аусзуҩцәа есыҽны, ааҧсарак ҟамҵаӡакәа ҳтәылеи адунеи рҿы имҩаҧысуа ахҭысқәеи атенденциақәеи ирызку еиуеиҧшым ажәабжь ҿыцқәа, аналитикатә материалқәа, арлахҿыхратә дырраҭарақәа ,уҳәа аудиториа рызнагара азы аинтерес зҵоу аформала ишьақәгыларц азы ахшыҩзышьҭра ду арҭоит. 

Аҧснытәи аҳәынҭқарратә телехәаҧшра ажәыбжь ҿыцқәеи егьырҭ еиуеиҧшым адырраҭарақәеи зықьҩыла еилоу ҳреспублика аудиториа адагьы, аҳәаанырцә инхо аҧсуа диаспореи, иара убас Аҧсни уи аҭоурыхи, атәыла аҩныҵҟа имҩаҧысуа актуалра злоу ахҭысқәеи ирызҿлымҳау  зегьы иахәаҧшуеит.

Ҳаамҭазтәи аинформациатә еилазаараҿы ахәаҧшцәеи азыӡырҩцәеи аҧхьаҩцәеи радыҧхьалара акыр имариам усуп. Амедиатә ҵакыра аҿы ахатәы позициақәа рыхьчара азы адырраҭара аҵакы арҭбаареи уи аформати реиҕьтәрала есымша ҳазну аамҭа иақәшәо ашьаҿақәа рыҟаҵара хымҧадатәиуп”. 

Аҳәынҭқарра Ахада Аҧснытәи аҳәынҭқарратә Телерадиоеилахәыра аусзуҩцәа агәабзеиреи аизҳазыҕьареи иналукааша арҿиаратә еихьӡарақәеи рзеиҕьаишьеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа