Ажәабжьқәа

Популярное

Рауль Ҳаџьымба Аҧсны арҵаҩцәеи аҵаҩцәеи аҵарашықәс ҿыц алагара рыдиныҳәалеит

960
02.09.2019 09:05
Рауль Ҳаџьымба Аҧсны арҵаҩцәеи аҵаҩцәеи аҵарашықәс ҿыц алагара рыдиныҳәалеит
Иҟаиҵаз адныҳәалараҿы Аҧсны Аҳәынҭқарра Ахада арҵаҩцәеи аҵаҩцәеи агәабзиареи ақәҿиарақәеи рзеиҕьаишьеит.

Аҟәа. Цәыббрамза 2. Аҧсныпресс. Аҧсны Аҳәынҭқарра Ахада Рауль Ҳаџьымба Аҧсны арҵаҩцәеи аҵаҩцәеи аҵарашықәс ҿыц алагара рыдиныҳәалеит.

Адныҳәалараҿы, ахәҭакахьала иазгәаҭоуп:

“Акыр иаҧсоу аҵаҩцәа, арҵаҩцәа, астудентцәа!

Гәык-ҧсыкала ишәыдысныҳәалоит аҵарашықәс ҿыц алагамҭа.

Сгәы иаанагоит ари аҵара шықәс адырра ҿыцқәеи, иналукааша аартрақәеи, аҵара дуи, аихьӡарақәеи ирышықәсны иҟалап ҳәа. 

Ҳара зегьы ҳхы хдыруа ҳаныҟала инаркны, раҧхьатәи ҳшьаҿақәа адыррақәа рахь ихоуп, адырра арҳарала ихацҳаркуеит ҳаҧсҭазаара. Ашкол аҟноуп иҿыцу аилкаара азгәышьра, абзиабара рышьаҭа ахьакуа, аброуп аҧхьаҟатәи ҳақәҿиарақәеи ҳаихьӡарақәеи руасхыр ахьышьҭаҵахогьы.

Ҷыдала иҭабуп ҳәа расҳәарц сҭахуп абри аныҳәамш аҽны арҵаҩцәа. Шәара шәыпрофессионализми, иҟашәҵо агәцаракреи ирыбзоураны шәнапы ианырҵо ахәыҷқәа рҟыбаҩ аарҧшразы алшара роуеит, ишәылшогьы рацәоуп аҵара змоу, иаҧсоу ҳҳәынҭқарра атәылауаа реиҵааӡараҟны.

Даҽазныкгьы аныҳәа шәыдныҳәало, ишәзеиҕьасшьоит агәабзиара, агәамч, аихьӡарақәа, анасыҧ.

Мҩамш!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа