Ажәабжьқәа

Популярное

Приднестровтәи Молдавтәи Ареспубликеи Аҧсни анаҧхгарабжьаратәи аиқәшаҳаҭра рыбжьарҵеит

490
25.10.2016 12:54
Приднестровтәи Молдавтәи Ареспубликеи Аҧсни анаҧхгарабжьаратәи аиқәшаҳаҭра рыбжьарҵеит
Аҧсны Аҳәынҭқарреи Приднестровтәи Молдавтәи Ареспубликеи руааҧсыра авизадатә еиҭанеииааира рыбжьаҵаразы анаҧхгарабжьаратәи аиқәшаҳаҭра рыбжьарҵеит.

Аҟәа. Жьҭаарамза 25. Аҧсныпресс. Лана Ҵәыџьҧҳа. Аиҧылара аартуа, Аҧсны адәныҟатәи аусқәа рминистр Даур Ақаҩба, Приднестровтәи Молдавтәи Ареспублика аделегациа Аҧсныҟа аара аҩ-тәылак рыбжьара аимабзиаратә еизыҟазаашьақәа рыҿиара ҩаҧхьа иарҵабыргуеит ҳәа азгәеиҭеит.

Ахәҭакахьала, Приднестровтәи Молдавтәи Ареспублика адәныҟатәи аусқәа рминистр Витали Игнатиев инаҵшьны иазгәеиҭеит: “Иҟоу аусеицуратә ҧышәа излаҳнарбо ала, ари аҭоурыхтә ҧеиҧш адагьы, ахақәиҭреи ахьыҧшымреи рзы ақәҧареи жәларбжьаратәи аинтересқәа рҟынӡа анаӡаразы аусеицуреи иазхио ҳажәларқәа иалырхыз мҩаны иҟоуп. Аиҩызареи аусеицуреи рҳәаақәа ирҭагӡаны ҳара имаҷымкәа аиқәшаҳаҭрақәа ҳабжьаҳҵахьеит. Раҧхьаӡа акәны ус еиҧш аиқәшаҳаҭра бжьаҵан 1993 шықәсазы. Иара убас имҷымкәа ахылаҧшырҭабжьаратәи аиқәшаҳаҭрақәа бжьаҵоуп. Иахьа, анаҧхгарабжьаратәи аусеицура аҳәаақәа ирҭагӡаны, ҳнапы зҵааҩраны ҳаҟоу аусшәҟәқәа ҩба – Аҧсни Приднестровтәи Молдавтәи Ареспублика ауааҧсыра рыҧсҭазаара аиҕьтәразы аусура иалагоит ҳәа агәра ганы сыҟоуп”, – ҳәа иҳәеит Витали Игнатиев

Витали Игнатиев игәаанагарала, иааизакны уахәаҧшуазар, аусуратә лшарақәа рҳәаа акыр иҭбаауп: “Иахьа Приднестровиа иамоу ауадаҩрақәа шмаҷымгьы, ҳаимадарақәа аҧынгылара иазкны Молдавтәи аган имҩаҧнаго аусмҩаҧгатәқәагьы уахь иналаҵаны, ҳара ҳаизыҟазаашьақәа рыҿиара хымҧада иалҳаршоит. Олег Аршба идҳәаланы аҭыҧ зауз аҭагылазаашьа ҩаҧхьа уи арҵабыргит”.

Ахәҭакахьала, Аҧсны аҵарадырреи аҭҵаареи рминистр Адгәыр Какоба, иарбоу аусшәҟәы Аҧсни Приднестровиеи иқәынхо астудентцәеи алекторцәеи аҩ-тәылак рҿы рҵареи русуреи арманшәалоит ҳәа азгәеиҭеит.

Аиҧылараҿы Аҧсны Аҳәынҭқарра Анаҧхгареи Приднестровтәи Молдавтәи Ареспублика Анаҧхгареи рыбжьара авизадатә еиҭанеииааира рыбжьаҵаразы анаҧхгарабжьаратәи Аиқәшаҳаҭра рыбжьарҵеит.

Аҧсны аганахьала аусшәҟәы инапы аҵаиҩит атәыла Адәныҟатәи аусқәа рминистр Даур Ақаҩба. Приднестровтәи Молдавтәи Ареспублика аганахьала –атәыла аҳәаанырцәтәи аусқәа рминистр Витали Игнатиев.

minIDPMRIgnatyev_minObrRAKakoba_251016.jpg
 
Иара убас, Аҧсны Аҳәынҭқарреи Приднестровтәи Молдавтәи Ареспубликеи Рнаҧхгарақәа рыбжьара аҵарадырреи аквалификациеи рыҩаӡара, аҭҵааратә хьӡқәеи астепеньқәеи, академиатә дырранҵақәеи уҳәа аҩганктәи азхаҵаразы Аиқәшаҳаҭра бжьаҵан.
Аҧсны аганахьала иарбоу аусшәҟәы инапы аҵаиҩит атәыла аҵарадырреи аҭҵаареи рминистр Адгәыр Какоба. Приднестровтәи Молдавтәи Ареспублика аганахьала – атәыла аҳәаанырцәтәи аусқәа рминистр Витали Игнатиев.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа