Ажәабжьқәа

Пицундатәи аныхабааҿы агәыҳалалратә концерт мҩаҧысраны иҟоуп

593
22.08.2016 11:56
Пицундатәи аныхабааҿы агәыҳалалратә концерт мҩаҧысраны иҟоуп
Есышықәса имҩаҧгахо аклассикатә музыка III агәыҳалалратә концерт Аҧсны асоциалтә-культуратә абжьгарақәа Рфонд ала еиҿкаауп.

Аҟәа. Нанҳәамза 22. Аҧсныпресс. Згәабзиара уашәшәыроу ахәыҷқәа рыцхырааразы иаҧҵоу, есышықәса имҩаҧгахо аклассикатә музыка III агәыҳалалратә концерт, нанҳәамза 22 рзы Пицундатәи аныхабааҿы имҩаҧгахоит.

Аусмҩаҧгатә аиҿкааҩ – Аҧсны асоциалтә-культуратә абжьгарақәа Рфонд ауп. Афонд аусура аҳәаақәа ирҭагӡаны, ичмазаҩу ахәҷқәа ирымоу апроблемақәа ауаажәларра разхьарҧшразы еиуеиҧшым аусмҩаҧгатәқәа мҩаҧнагоит.

Сынтәа Афонд Сандро Шәлымба ицхырааразы аҧаратә хархәагақәа реизгара хацнаркуеит. Ари ахәыҷы неитропениа ҳәа изышьҭоу ачымазара имоуп. Уи ачымазара инамаданы, ахәыҷы даҽа чымазарак ихьит – МДС (леикоз). Ахәыҷы ацхыраара иҭаразы еизгаз аҧаратә хархәагақәа реицҵалыҵ 859 220 мааҭ рҟынӡа инаӡеит. Урҭ зегьы Акультуратә-гәыҳалалратә фонд “Ашана” ахыҧхьаӡаратә счиот ахь ихыҧхьаӡалоуп.

Аусмҩаҧгатә алагара аамҭа 19:00.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа