Ажәабжьқәа

Популярное

Очамчыраратәи араион аҿы хықәкылатәи ахархәара змам адгьылқәа рымхра иадҳәалоу аусмҩаҧгатәқәа нагӡахоит

715
18.08.2016 09:57
Очамчыраратәи араион аҿы хықәкылатәи ахархәара змам адгьылқәа рымхра иадҳәалоу аусмҩаҧгатәқәа нагӡахоит
Очамчыра араион Ахадараҿы адгьылхархәара азҵаара иалацәажәеит.

Аҟәа. Нанҳәамза 18. Аҧсныпресс. Очамчыра араион ахада Хьрыҧс Џьопуа ақыҭақәа рхадара ахаҭарнакцәа алархәны, адгьыл ахархәара азҵаара алацәажәара иазкыз аусуратә еилатәара мҩаҧигеит. Абри атәы “Аҧсныпресс” иазаанацҳаит араион Ахадара.

Ақыҭанхамҩатә дгьылқәа рзоужьреи урҭ хықәкыла рхархәареи азҵаара амшхәаҧтә зҵаарақәаны иқәгылан.

Араион Ахада Хьрыҧс Џьопуа, Очамчыра араион ианакәзаалакгьы ақыҭанхамҩатә раионны иахьыҟаз инамаданы, адгьылхархәара иадҳәалоу азҵаарақәа зегьы ҷыдала ахылаҧшра аҭатәуп ҳәа азгәеиҭеит. “ақыҭанхамҩатә усурақәа рынагӡаразы иазоужьу адгьылқәа, хымҧада иубаратәы аекономикатә хашәалахәы аанашьҭлароуп”, – ҳәа иҳәеит Хьрыҧс Џьопуа.

Ахәҭакахьала, араионтә қыҭанхамҩатә усбарҭа анаҧхгаҩы Виачеслав Шьоуа, “қьырала адгьылқәа ргаразы аиқәшаҳаҭра анрыбжьарҵалак ашьҭахь урҭ рҕьырак рҿы аиқәшаҳаҭратә еилаӡарақәа нагӡамкәа иаанхоит. Даҽакала иаҳхәозар, адгьылқәа хықәкыла ахархәара аиуӡом, иара убас, ақьыра ахшәаара мҩаҧысӡом”.

Аилатәара алҵшәақәа рыла, Хьрыҧс Џьопуа ақыҭақәа рхадацәа аҭыҧқәа рҿы адгьылқәа рхархәаразы ихарҭәаау адыррақәа зегьы реизгара азы адҵа ҟаиҵеит. Хықәкылатәи ахархәара змам адгьылқәа рымхра иадҳәалоу аусмҩаҧгатәқәа нагӡахоит, иара убас раион ахада ақыҭанхамҩатә Усбарҭа адгьылхархәара еиҕьны аиҿкааразы анапынҵа аиҭеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа