Ажәабжьқәа

Популярное

Оҭар Хәынцариа аихьӡ зху аҳәынҭқарратә ажәлар ринструментқәа роркестр агәыҳалалратә концерт Аҟәа ақалақь аҿы имҩаҧгахоит

37
16.04.2019 17:00
Оҭар Хәынцариа аихьӡ зху аҳәынҭқарратә ажәлар ринструментқәа роркестр агәыҳалалратә концерт Аҟәа ақалақь аҿы имҩаҧгахоит
Ирҳахо аҧаратә хархәагақәа  акультуратә гәыҳалалратә Фонд “Ашана” ахылаҧшра аҵаҟа иҟоу ахәыҷқәа рыхәышәтәразы идәықәҵахоит.

Аҟәа. Мшаҧымза 16. Аҧсныпресс. Акультуратә гәыҳалалратә Фонд “Ашана” ахылаҧшра аҵаҟа иҟоу ахәыҷқәа ацхыраара рыҭара иазку, Оҭар Хәынцариа аихьӡ зху аҳәынҭқарратә ажәлар ринструментқәа роркестр агәыҳалалратә концерт, Аҟәа ақалақь, Р. Гәымба ихьӡ зху аҳәынҭқарратә филармониа аҿы имҩаҧгахоит.

Аконцерт иасасцәаны иаҭаауеит аҧснытәи артистцәа Ҭемыр Ҳагба, Мадина Кәарацхьелиа, Саида Агрба. Иара убас, Ҟәбина зҽаҧсазтәыз асахьаҭыхыҩ Светлана Казанцева аҧслымӡтә анимациа ацхыраарала, Нарҭаа рфырхаҵаратә епос атемала инагӡоу асиужет ахәаҧшыҩцәа ирыдылгалоит.

Акультуратә гәыҳалалратә Фонд “Ашана” аацҳамҭаҿы ишарбоу ала, агәыҳалалратә концерт аҭаарала, ҕәҕәала ичмазаҩу ахәыҷқәа реиқәырхареи, иара убас, Аҧсны амилаҭтә культура, афольклор, ақьабз, аҵасқәа рыхьчареи рыҿиареи рҿы алагала алаҵаразы алшара шәоуеит.

Агәыҳалалратә концерт аинформациатә спонсор – Иарку Аокционертә Еилазаара (ИАЕ)”Аҟәафон-GSM”.

Аконцерт мҩаҧгахоит мшаҧымза 25 , асааҭ18:00 рзы.

Абилеҭ ахәҧса 300 мааҭ рҟынӡа инаӡоит.

Абилеҭқәа раахәара алшоит Афилармониа акасса, мамзаргьы акультуратә гәыҳалалратә Фонд “Ашана” аофис аҿы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа