Ажәабжьқәа

Популярное

Николаи Патрушев Рауль Ҳаџьымба Аиааира агара 25-шықәса ахыҵреи Ахьыҧшымреи Рымш идиныҳәалеит

139
30.09.2018 10:30
Николаи Патрушев Рауль Ҳаџьымба Аиааира агара 25-шықәса ахыҵреи Ахьыҧшымреи Рымш идиныҳәалеит
“Урыстәыла, Аҧсни Урыстәылеи ирыбжьоу аимабзиаратә еизыҟазаашьақәа рыҩаӡара ахә ҳаракны иршьоит”, – ҳәа иазгәеиҭеит Николаи Патрушев.

Аҟәа. Цәыббрамза 30. Аҧсныпресс. Урыстәылатәи Афедерациа ашәарҭадара Ахеилак Амаӡаныҟәгаҩ Николаи Патрушев, Аҧсны Аҳәынҭқарра Ахада Рауль Ҳаџьымба Аҧсны Аџьынџьтәылатәи еибашьра аҿы Аиааира агара 25-шықәса ахыҵреи Ахьыҧшымреи Рымш идиныҳәалеит.

Адныҳәаларатә шәҟәы аҿы, ахәҭакахьала, иазгәаҭоуп:

“Аҧсны Аџьынџьтәылатәи еибашьра аҿы Аиааира агара 25-шықәса ахыҵреи Ахьыҧшымреи Рымшныҳәа инамаданы гәык-ҧсыкала адныҳәаларақәа шәыдышәкыл.

Урыстәыла, Аҧсни Урыстәылеи ирыбжьоу аимабзиаратә еизыҟазаашьақәа рыҩаӡара ахә ҳаракны иршьоит.

Ҳтәылақәа рыбжьара ишьақәгылаз, зхырхарҭа рацәоу аусеицуратә еизыҟазаашьақәа, шықәсырацәа ирҭагӡоу, аиҩызареи агәреибагареи рыла ишьаҭарку атрадициақәа рыла ишьақәгылоуп. Аринахысгьы уи хра злоу аҿиара шаиуо азы агәра ганы сыҟоуп.

Хаҭала Шәара агәабзиареи ақәҿиарақәеи, наҧхгара зышәҭо аҧсуа ажәлар аҭынчреи аизҳазыҕьареи, ақәҿиара дуқәеи шәзеиҕьасшьоит!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа