Ажәабжьқәа

Популярное

Николаи Џьонуа иҧсы ҭазҭгьы иахьа 75-шықәса ихыҵуан

445
03.12.2019 17:15
Николаи Џьонуа иҧсы ҭазҭгьы иахьа 75-шықәса ихыҵуан
Еицырдыруа ауаажәларратәи аҳәынҭқарратәи аусзуҩ игәалашәара иазку ахәылҧаз Аҟәа ақалақь аҿы имҩаҧысит.

Аҟәа. Ҧхынҷкәынмза 3. Аҧсныпресс. Дырмит Басариа. В. Г. Арӡынба ихьӡ зху Арратә Ахьӡ-Аҧша амузеи аҿы имҩаҧысит еицырдыруа ауаажәларратәи аҳәынҭқарратәи аусзуҩ, Леон иорден занашьоу Николаи Џьонуа 75-шықәса ихыҵра инамаданы еиҿкааз агәалашәаратә хәылҧазы.

Аиҧылара аҿы Никлаи Џьонуа дыздыруази иҩызцәеи ықәгылеит, еизаз архивтә видеоматериалқәа дырбан, ауаажәларратәи аҳәынҭқарратәи аусзуҩ изкны еиҿкааз аекспозициа аӡыргара мҩаҧысит.

Николаи Џьонуа илагалақәеи еихьӡарақәеи дрылацәажәо, анаукеи акультуреи аҵарадырреи рзы Аҳәынҭқарра Ахада иабжьгаҩ Владимир Занҭариа иазгәеиҭеит: “Николаи Џьонуа ҳаамҭазтәи ихьыҧшым аҳәынҭқарра ашьаҭаркҩы иоуп ҳәа уҳәаратәы иҟоуп”.



Аполитикатә усзуҩ Сергеи Шамба иҩыза дигәаларшәо иҳәеит: “Сара Николаи амилаҭтә-хақәиҭратә қәҧара аҿы ҳаидызкылаз аполитикатә хҭысқәа ҟалаанӡагьы дыздыруан. Уи есымшагьы аиаша дазықәҧон. Николаи агазеҭ “Аидгылара” аурыс версиа напхгара аиҭон. Уи усҟантәи аамҭазы аиашазы “аинформациатә бомбаны” иҟалеит. Убри аан, уи аҧсуа интересқәа жәларбжьаратәи аплошьадкақәа рҿы рӡыргара активла ихы алаирхәуан”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа