Ажәабжьқәа

Популярное

Нальчик ақалақь аҿы аҧснытәи асахьаҭыхыҩцәа русумҭақәа рцәыргақәҵа мҩаҧысит

301
02.02.2018 16:11
Нальчик ақалақь аҿы аҧснытәи асахьаҭыхыҩцәа русумҭақәа рцәыргақәҵа мҩаҧысит
Ҟабарда-Балкариатәи Ареспублика аҿы еиҿкааз аҧснытәи асахьаҭыхыҩцәа русумҭақәа рцәыргақәҵа жәабранмза 22 рҟынӡа аус аулоит.

Аҟәа. Жәабранмза 2. Аҧсныпресс. Дамеи Касланӡиа. Ҟабарда-Балкариатәи Ареспублика Нальчик ақалақь, Арт-центр Madina Saralp аҿы аҧснытәи асахьаҭыхыҩцәа русумҭақәа рцәыргақәҵа аатит.

Ацәыргақәҵа аекспозициа Арт-центр азалқәа ҩба рҿы ишьақәыргылахеит. Актәи азал аҿы “аамҭа аҧшшәқәа хҧа” ҳәа хыс измоу апроект аӡыргара мҩаҧысит. Апроект аидеиа асахьаҭыхыҩ Ельвира Арсалиаҧҳа илтәуп, афотосахьаҭыхыҩ- Отто Лакоба, аахаҿсахьеи аҭеиҭыҧши – Марина Ҵәыџьҧҳа. Аҩбатәи азал аҿы – ааигәа зиубилеи азгәарҭоз, Аҧсни уи анҭыҵгьы еицырдыруа асахьаҭыхҩы Валентина Хәырхәмал лхатәы цәыргақәҵа мҩаҧысуеит. Ацәыргақәҵа аҿы ицәыргоуп аграфикеи аҩычара-напкымҭатә ҟазареи рыстиль ала инагӡо аусумҭақәа.

Аҧсны акультуреи аҭоурых-культуратә ҭынха ахьчареи рминистр Ельвира Арсалиаҧҳа абас еиҧш адырра ҟалҵеит: “Ари ацәыргақәҵа жәабранмза 22 рҟынӡа аус аулоит. Залк аҿы ицәыргақәҵоуп 24 ҭыхымҭа, аҩбатәи, Валентина Хәырхәмал лусумҭақәа рцәыргақәҵа азы иаарту азал аҿы – 50. Иара убас, сынтәа  иарбоу аусмҩаҧгатә аҭак аҳасабала Ҟабарда-Балкариатәи асахьаҭыхыҩцәа рцәыргақәҵа Аҧсны аиҿкаара азҧхьагәаҭоуп. Ацәыргақәҵақәа  реицымҩаҧгара – ари акыр шықәса раахыс ишьақәгылахьоу традициоуп. Уи аиашьаратә жәларқәа ркультуратә еимадара арҕәҕәоит, ахәаҧшцәагьы ҳаамҭазтәи асахьаҭыхыҩцәа русумҭақәа рбартә еиҧш алшара рнаҭоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа