Ажәабжьқәа

Популярное

Мушьни Лашәриа: Ҳтәыла аҿы иузымыӡбо зҵаара ыҟаӡам

436
10.01.2018 10:53
Мушьни Лашәриа: Ҳтәыла аҿы иузымыӡбо зҵаара ыҟаӡам
Аҧсны жәлар рпоет Мушьни Лашәриа аҵыхәтәантәи аамҭазы атәыла аҩныҵҟа ишьақәгылаз аполитикатә ҭагылазаашьа азы игәаанагара иҳәеит.

Аҟәа. Ажьырныҳәамза 10. Аҧсныпресс. Мадина Чагәааҧҳа. Аҧсны жәлар рпоет Мушьни Лашәриа аҵыхәтәантәи аамҭазы атәыла аҩныҵҟа ишьақәгылаз аполитикатә ҭагылазаашьа азы игәаанагара иҳәеит.

Мушьни Лашәриа апартиақәеи ауаажәларратә еиҿкаарақәеи атәыла анаҧхгареи аилибакаара рыбжьалара дшадгыло азгәеиҭеит. “Ҳара ҳажәлар иахнагахьоу даара ирацәоуп. Убри аҟнытә есышықәса ажәлар рырбыжкра ахәҭаны избом, уи аус ҭакҧхықәрада азнеирагьы ҟалаӡом. Ҳтәыла аҿы иузымыӡбо зҵаара ыҟаӡам. Имҩаҧырго ауснагӡатәқәа ҧхьаҟа иалҵришь ҳәа иазымхәыцкәа зҽазҵәылхны зҳәатәы иахымҧо уезгьы ажәлар ргәазыҳәарақәеи иҟаҵоуи зегьы ҳасаб рзуны, уи иахылҿиаар зылшо рхаҿы иааргароуп хымҧада. Ауаажәларра рыҩныҵҟа аилибакаареи аҳәоуеиқәшәареи рызнеира демократиатә мҩала ауп ишалыршахо. Амитингқәа рымҩаҧгареи аҭагылазаашьа аибырххареи хра злоу акахьы инанагаӡом!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа