Ажәабжьқәа

Популярное

Москва Аҩны аҿы афотосахьеи апоезиеи рзы жәларбжьаратәи аконкурсқәа рҿы аиааира згаз рҧылара мҩаҧысит

855
01.06.2018 15:20
Москва Аҩны аҿы афотосахьеи апоезиеи рзы жәларбжьаратәи аконкурсқәа рҿы аиааира згаз рҧылара мҩаҧысит
Аусмҩаҧгатә Жәларбжьаратә ахәыҷқәа рыхьчара Амш иадҳәалоуп.

Аҟәа. Рашәарамза 1. Аҧсныпресс. Дырмит Басариа. Лаҵарамза 22 рзы, ақалақь Симферополь, Жәларбжьаратә ахәыҷтәы Центр “Артек” аҿы аҧхьаҩцәа ҿарацәа жәларбжьаратәи рконкурс “Живая классика” мҩаҧысит. Мшаҧымза 20 инаркны рашәарамза 1 аҟынӡа имҩаҧысуан афотоконкурс “Дети мира”.

Арҭ аконкурсқәа рҿы Аҧснытәи аиааира згаз Москва Аҩны аҿы ирҧылеит.

Убас, аҧхьаҩ ҿарацәа жәларбжьаратә аконкурс “Живая классика” афиналистка Викториа Ес-Оглы аконкурс  лхы шалалырхәыз атәы еиҭалҳәеит: “Алҧшааратә етап аҿы еиуеиҧшым атәылақәа рҟынтәи 1 000-ҩык инареиҳаны рхы аладырхәит. Анаҩстәи аетап аҟынӡа 15-ҩык роуп инаӡаз. Аконкурс афинал аҿы сара Венгриа, Ермантәыла, Еиду Америкатәи Аштатқәа рҟынтәи алахәылацәа срацлабуан. Алахәылацәа зегьы рыҩаӡара ҳаракын.   Афинал аҿы Аҧсны абираҟ сыманы асцена ақәлара азы алшара ансоу, сара аҭакҧхықәра дууи агәадуреи снырит”.



Жәларбжьаратәи аконкурс “Дети мира” аҿы аиааира згаз 20-ҩык дреиуахеит Аҧсны инхо  Олесиа Горельникова. Уи лусумҭа “Аҽыбҕаҟаза қәыҧш”, егьырҭ аиааира згаз алахәылацәа русумҭақәеи Москва Аҩны еиҿкааз афотоцәыргақәҵа аҿы иқәыргылан. 

Аҧсны иҟоу Урыстәыла аусеицура Ахаҭарнакра аусзуҩ Софиа Кольцова аконкурс ахықәкы дахцәажәеит: “Олесиа Горельникова лфотоусымҭа “Аҽыбҕаҟаза қәыҧш” ҩымчыбжь ирылагӡаны 16 тәыла рҿы иҟоу ҳусбарҭа ахаҭарнакрақәа зегьы рҿы ицәыргақәҵахоит. Иарбоу апроект еиуеиҧшым амилаҭқәа рҿы ахәыҷқәа ирымоу акы иаламҩашьа аҷыдарақәеи, иара убри аамҭазы урҭ реиҧшреи раарҧшра иазырхоуп. Апроект  ауаажәларратә дипломатиеи, агуманитартә усеицуреи, итрадициатәу ахәдуқәа реиқәырхареи рзы Урыстәылатәи Афедерациа Ауаажәларратә Палата Акомиссиа ацхыраарала инагӡахоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа