Ажәабжьқәа

Москва ақалақь аҿы Фазиль Искандер ииубилеи иазку ахәылҧаз мҩаҧгахоит

89
01.03.2019 13:13
Москва ақалақь аҿы Фазиль Искандер ииубилеи иазку ахәылҧаз мҩаҧгахоит
Иарбоу аусмҩаҧгатә хәажәкырамза 6 рзы, А. С.Пушкин ихьӡ зху аҳәынҭқарратә музеи ахыбраҿы имҩаҧгахоит.

Аҟәа. Хәажкырамза 1. Аҧсныпресс. Москва ақалақь аҿы акультура аусзуҩ, апоет, Аҧсни Урыстәылеи Жәлар рышәҟәыҩҩы, аорден “Ахьӡ-Аҧша” I аҩаӡара акавалер Фазиль Искандер ииубилеи иазку ахәылҧаз мҩаҧгахоит. Иарбоу аусмҩаҧгатә хәажәкырамза 6 рзы, А. С.Пушкин ихьӡ зху аҳәынҭқарратә музеи ахыбраҿы еиҿкаахоит. Абри азы адырра ҟанаҵоит Москватәи аҧсуа диаспора аофициалтә саит.

Ахәылҧаз апрограмма аҿы иҟоуп:
– адунеи ажәларқәа жәпакы рбызшәақәа рыла иҭыжьу Фазиль Искандер ишәҟәқәа иуникалтәу аекспозициа;
– аҭыжьымҭа “Время” аҿы иҭыҵыз  апоет ипоезиатә ҧҵамҭақәа  иҿыцу реизга “Звездный камень”;
– Фазиль Искандер ипоезиатә рҿиамҭақәа раҧхьаӡа акәны дрыҧхьоит актиор Вениамин Смехов.

Асцена аҿы иқәгылоит Аҧсни Урыстәылеи Жәлар рартистка Хьыбла Герзмаа, аҧсуа кәашара азы москватәи ахәыҷтәы ансамбль “Амцабз”, иара убас, Фазиль Абдул-иҧа иҩызцәеи, ирҿиара абзиабаҩцәеи: Фазиль Искандер изку ашәҟәы “Смех против страха”  автор, алитератураҭҵааҩы Наталиа Иванова; алитератураҭҵааҩы, аҭоурыхдырҩы Игорь Волгин; апоет, абард, адраматург Иули Ким; акомпозитор, анагӡаҩы Лариса Новосельцева; апоет Константин Скворцов; акинорежиссиор Сергеи Коковкин.

Агәалашәаратә хәылҧазы аиҿкаара, А. С.Пушкин ихьӡ зху аҳәынҭқарратә музеи, “Ауаҩы игыларҭа”ҳәа хыс измоу Фазиль Искандер икультура афонди русеицуреи, Москватәи аҧсуа диаспора ацхыраареи ирылҵшәахеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа