Ажәабжьқәа

Популярное

Москва ақалақь аҿы Аҧсны аҳәынҭқарратә хортә копелла аконцерт мҩаҧысит

95
07.09.2017 12:37
Москва ақалақь аҿы Аҧсны аҳәынҭқарратә хортә копелла аконцерт мҩаҧысит
Аконцерт апроект “Аҧсни Урыстәылеи ркультуратә усмҩаҧгатәқәа – 2017” аҳәаақәа ирҭагӡаны имҩаҧысит.

Аҟәа. Цәыббрамза  7. Аҧсныпресс. Москватәи Жәларбжьаратәи амузыка Аҩны  акамертә зал аҿы Аҧсны Жәлар рартистка Нора Аџьынџьал наҧхгара зылҭо  Аҧсны аҳәынҭқарратә хортә копелла аконцерт мҩаҧысит.

Аҧсны акультуреи аҭоурыхтә-культуратә ҭынхақәа рыхьчара аминистр Ельвира Арасалиаҧҳа аконцерт аартуа Аҧсни Урыстәылеи рыбжьара агастрольқәа рымҩаҧгара иаҵоу аҵакы ду азгәалҭеит. 
 
“Ааигәаӡа  Аҧснытәи ақалақьқәа – Аҟәеи Очамчыреи рҿы қәҿиара дула имҩаҧысит ансамбль “Россия” агастрольқәа, иахьа акәзар, аҭак аҳасабала Москва иқәгылараны иҟоуп Аҧснытәи аҳәынҭқарратә хортә капелла”, – ҳәа илҳәеит Ельвира Арсалиаҧҳа. 

Аконцерта апрограмма ала аҧснытәи жәлар рашәақәеи аҧснытәи акомпозиторцәа рашәақәеи аурыс доуҳатә музыкеи нагӡан.

Цәыббрамза 7 рзы Аҧснытәи аҳәынҭқарратә хортә копелла Твертәи академикатә областтә филармониа аҿы аконцерт нарыгӡоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа