Ажәабжьқәа

Популярное

Март 4 амҩаду Фазиль Искандер ихьӡ ахҵоуп

84
13.05.2019 13:12
Март 4 амҩаду Фазиль Искандер ихьӡ ахҵоуп
Аӡбамҭа шьақәырҕәҕәахеит ақалақьтә Еизара аилатәара аҿы.

Аҟәа. Лаҵарамза 13. Аҧсныпресс. Фазиль Искандер игәалашәара анаунагӡатәра азы аҳәынҭқарратә Комиссиа Март 4 амҩаду ашәҟәыҩҩы ихьӡ ахҵареи, Марыхәтәи амҩаду Март 4 ахьӡ ахҵареи рзы ажәалагала ҟанаҵеит. Ари ажәалагала адгылара аиҭеит аҳҭнықалақь ахада Адгәыр Ҳаразиа, анаҩс уи ашьақәырҕәҕәаразы ақалақьтә Еизара ашҟа инашьҭын. Абри атәы аанацҳауеит аҳҭнықалақь Ахадара апресс-маҵзура.

Изаамҭанытәиу аилатәараҿы ақалақьтә Еизара адепутатцәа амҩадуқәа рыхьӡқәа рыҧсахразы рыбжьы рҭиит.

“ Ҳара иаҳуалуп иналукааша ашәҟәыҩҩы дуӡӡа Фазиль Абдул-иҧа Искандер ихьӡ еиҵагыло абиҧара рзы анаунагӡатәра. Агәра ганы сыҟоуп ақалақь ауааҧсыра ас еиҧш аӡбамҭа ишадгыло. Фазиль Искандер ихшыҩи, ибаҩхатәреи, илаз аусура абзиабареи ирыбзоураны, ҳара ииасхьоу аамҭақәа рзы ҳтәылааҿы иҟаз ахҭысқәа рзы иҵабыргу адыррақәа ҳауеит, лассы-лассы уи иажәа лыҧшаахқәа аагоит, избан акәзар уи ахарахәыцра злаз, жәашықәса рынахыс иҟало здыруаз уаҩын. Уи ирҿиамҭақәа рыла адунеи аҿы Аҧсны аӡбахә раҳауеит, ирдыруеит. Уи ирҿиамҭа афырхацәа зегьы ҳара ҳзы хаҭала иаадыруа, бзиа иаабо, ҳхәыҷқәа рааӡараҿы  ҳазҿыҧшуа игәакьоу уааны иҟоуп”, – ҳәа иҳәеит адепутат Семион Бжьаниа.

Адепутат Инна Кәарҷиа убасҵәҟьа ажәалагала дадгылеит, аха убри аан уи, лассы-лассы аҭыҧ змоу ақалақь амҩадуқәа рыхьӡқәа рыҧсахра дшақәшаҳаҭымгьы азгәалҭеит: “Сара Фазиль Абдул-иҧа Искандер ихьӡ зху амҩаду ақалақь аҿы аҟазаара  жәаҳәарада садгылоит, хымҧада иахәҭоу усуп ҳәагьы исыҧхьаӡоит. Уимоу, аҳҭнықалақь амҩадуқәа руак Аҧсны Аџьынџьтәылатәи еибашьра Афырхацәа рыхьӡ  ахҵаразы ажәалагала ҟасҵоит.  Ас еиҧш аӡбамҭа ҳара иахьа ихьыҧшым ҳәынҭқарраны ҳаҟазаара зыбзоуроу Афархацәа зегьы рыхьӡ акамыршәра, анаунагӡатәра алнаршоит”.

Иара убас, аилатәара аҿы аҳҭнықалақь Ахадара акультура Аусбарҭа иатәу аҟазара ашкол акомпозитор, аопертә шәаҳәаҩы, ҳаҭыр зқәу ари ашкол адиректор Тото Аџьапуа ихьӡ ахҵара азы аӡбамҭа рыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа