Ажәабжьқәа

Популярное

Мадина Ҭыжәба: ҳара ахәыҷқәа рхатәы бызшәеи алитературеи рахь абзиабара рылаҳааӡоит

281
02.03.2017 13:29
Мадина Ҭыжәба: ҳара ахәыҷқәа рхатәы бызшәеи алитературеи рахь абзиабара рылаҳааӡоит
Аҟәатәи ахәыҷбаҳча “Алашара” ааӡамҭацәа аҧсуа шәҟәыҩҩы, апоет Баграт Шьынқәба диижьҭеи 100-шықәса аҵра иазкны иаарту аурок мҩаҧыргеит.

Аҟәа. Хәажәкыра 2. Аҧсныпресс. Мадина Чагәааҧҳа. Аҟәатәи ахәыҷбаҳча “Алашара” аҿы Аҧсны, Ҟабарда-Балкариа, Адыгеиа Жәлар рпоет, ашәҟәыҩҩы Баграт Шьынқәба диижьҭеи 100-шыкәса аҵра иазкны иаарту аурок мҩаҧысит. Ашколӡаатәи аусбарҭа актәи аиҳабыратә гәыҧ ааӡамҭацәа апоет иажәеинраалақәа ирыҧхьеит, ашәақәа нарыгӡеит. Иара убас, ахәаҧшыҩцәа ирыдыргалеит Баграт Уасил-иҧа ипоемақәа ирылху аинсценировкақәа.

Ахәыҷбаҳча “Алашара” аиҳабы Мадина Ҭыжәба инаҵшьны иазгәалҭеит: “ҳара ахәыҷқәа рхатәы бызшәеи алитературеи рахь абзиабара рылаҳааӡоит. Уи зегьы ирыцкуп”.

Ахәҭакахьала, Аҳҭнықалақь Ахадара аҵарадырра аҟәга аиҳабы Лиудмила Адлеиба ишазгәалҭаз ала, ахәыҷбаҳча “Алашара” аҭоурых ду амоуп. “Иахьа ааӡаҩцәа русура алҵшәа бзиа шамоу убаратәы иҟоуп. Ахәыҷқәа даара ибзианы иазыҟаҵоуп. Ҷыдала иазгәасҭарц сҭахыуп, ахәыҷқәа ицқьаны, ибзианы рхатәы бызшәала ицәажәоит. Уи уамыргәырҕьар залшаӡом”.

Аҟәа ақалақь Ахадара аҵарадырра аҟәша аметодист хада Аза Кәарҷиа аҳәамҭа ҟалҵеит: “2017 шықәса ҳара ҳҳәынҭқарраҿы Баграт Уасил-иҧа Шьынқәба ишықәсны иахьрылаҳәаз инамаданы, Аҟәа ақалақь ашколқәеи ахәыҷбаҳчақәеи рҿы аҧсуа поет игәалашәара иазку аусмҩаҧгатәқәа мҩаҧгахоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа