Ажәабжьқәа
08.08.2018 22:46 118

“ЛиФФт-2018” аиҿкааҩцәа Аҧсны иаҭааит

832
07.06.2018 12:19
“ЛиФФт-2018” аиҿкааҩцәа Аҧсны иаҭааит
Шәача ақалақь аҿы имҩаҧысуаз III Евразиатәи алитературатә Афестивальқәа Рфестиваль “ЛиФФт-2018” аусура хнаркәшеит.

Аҟәа. Рашәарамза 7. Аҧсныпресс. Апроект “ЛиФФт-2018” анаҧхгаҩы Хада, Евразиатәи ажәларқәа Рассомблеиа Ахеилак ахантәаҩы Маргарита Аль, III Евразиатәи алитературатә Афестивальқәа Рфестиваль “ЛиФФт-2018” аиҿкааратә комитет алахәылацәа Анвар Альмухаметови Владимир Делбеи лыцны, Аҧсны ашәҟәыҩҩцәа реилазаара иҟанаҵаз ааҧхьарала Аҧсны  Аҳәынҭқарра даҭааит.

Уаанӡа аҧснытәи аделегациа Шәача ақалақь аҿы имҩаҧысуаз III Евразиатәи алитературатә Афестивальқәа Рфестиваль “ЛиФФт-2018” аусура ахы аланархәхьан. Иарбоу аусмҩаҧгатә 50 инарзынаҧшуа Урыстәыла арегионқәеи, 27 тәылеи рҟынтәи акультура аусзуҩцәа, аҭыжьыҩцәа, алитературатә критикцәа, аиҭагаҩцәа, адраматургцәа, апрозаикцәа, апоетцәа еизнагеит. Убри аан, аҧснытәи ашәҟәыҩҩ Елиа Џьыкырҧҳа Евразиатә Фестиваль аноминациа “Проза” аҿы араӡны медал ланашьахеит. Аҧснытәи аҩыҟаҵаҩцәа Афестиваль аркра ацеремониа иадҳәалоу  абанкет  азы аҧсуа ҩқәа рыхкқәа аусмҩаҧгатә аиҿкааҩцәа ҳамҭаз ирзынарышьҭит. Аҩы ахаҭабзиара иреиҳаӡоу ахәшьара арҭеит.

Аусмҩаҧгатә анхыркәшаха ашьҭахь, Аҧсны аҭаара аҳәаақәа ирҭагӡаны, Афестиваль аиҿкааҩцәеи Аҧсны акультура аминистр Ельвира Арсалиаҧҳаи, уи лхаҭыҧуаҩ Беслан Ҕәырџьууеи реиҧылара мҩаҧысит. Гь.Папасқьыр ихьӡ зху Амилаҭтә библиотека анаҧхгаҩы Борис Ҷолариа иаҧшьгарала, ашәҟәыҩра-аҧхьаратә конференциа мҩаҧган. Асасцәа апроект “Лиффт” иалацәажәеит, иара убас, Аҧсны, Ассамблеиа имҩаҧнаго алитературатә усмҩаҧгатәқәа ишалахәхо атәы иахцәажәеит. Иара убас, аҧснытәи авторцәа рырҿиамҭақәа аурыс, англыз бызшәақәа рахь аиҭагара иадҳәалоу азҧхьагәаҭарақәагьы ирзааҭгылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа