Ажәабжьқәа

Популярное

Лев Кәыҵниа: аҧснытәи ашколқәа рҿы мчыбжьык ахь знык ауаажәларратә шәарҭадара ахьчаразы аурокқәа рымҩаҧгара азҧхьагәаҭаны иҳамоуп

399
09.03.2017 10:54
Лев Кәыҵниа: аҧснытәи ашколқәа рҿы мчыбжьык ахь знык ауаажәларратә шәарҭадара ахьчаразы аурокқәа рымҩаҧгара азҧхьагәаҭаны иҳамоуп
Аҧсны иҷыдоу аҭагылазаашьақәа рзы Аминистрра аусзуҩцәа Д. И. Гәлиа ихьӡ зху Аҟәатәи абжьаратәи ашкол №4 аҵаҩцәеи арҵаҩцәеи рзы абылра аҽацәыхьчареи ауаажәларратә шәарҭадара ахьчареи рзы иаарту аурок мҩаҧыргеит.

Аҟәа. Хәажәкыра 9. Аҧсныпресс. Дырмит Басариа. Аҧсны иҷыдоу аҭагылазаашьақәа рзы Аминистрра ахаҭарнакцәа Д. И. Гәлиа ихьӡ зху Аҟәатәи абжьаратәи ашкол №4 аҵаҩцәеи арҵаҩцәеи рзы абылра аҽацәыхьчареи ауаажәларратә шәарҭадара ахьчареи рзы иаарту аурок мҩаҧыргеит.

Ахәыҷқәа иҷыдоу аҭагылазаашьақәеи, иара убас урҭ рҽацәыхьчаразы иаҧҵоу аҧҟарақәа рықәныҟәареи ртәы рзеиҭарҳәеит. Уи ашьҭахь, аҽазыҟаҵара аҳәаақәа ирҭагӡаны, ашкол ахыбра аҟынтәи ахәыҷқәа аевакуациа рзыруит, аиқәырхаҩцәа амца арцәареи ааха зауз реиқәырхареи рзы аимитациа ҟарҵеит.
Иҷыдоу аҭагылазаашьақәа рзы аминистр актәи ихаҭыҧуаҩ Тигран Делибалтиан иажәақәа рыла, азыҟаҵарақәа абылра ацәыхьчаратәи ашьхара иаҧну аҭыҧқәа рҿы аиқәырхареи акинологцәеи рыбригадақәа алархәны имҩаҧган.

spasateli.jpg
 Аҧсны аҵарадырреи аҭҵаареи рминистр Адгәыр Какоба ас еиҧш аусмҩаҧгатәқәа акырӡа аҵак ду шамоу азгәеиҭеит: “ас еиҧш иҟоу аурокқәа ашколнӡатәи аусбарҭақәагьы уахь иналаҵаны, атәыла аҵараиурҭақәа зегьы рҿы рымҩаҧгара хымҧадатәиуп. Ауаажәларратә шәарҭадара ахьчара иазку аурокқәа рҿы аҵаҩцәеи урҭ рырҵаҩцәеи иҷыдоу аҭагылазаашьақәа раан, ахымҩаҧгашьа аҧҟарақәа ирыдҳәалоу адыррақәа роуеит. Ҳара ҳхықәкы – ахәыҷқәа аҵара дырҵара мацара акәӡам, урҭ ршәарҭадара аиқәыршәарагьы ҳуалуп”.

“Аҧсны ашколқәа зегьы рҿы мчыбжьык ахь зны ауаажәларратә шәарҭадара ахьчаразы аурокқәа рымҩаҧгара азҧхьагәаҭаны иҳамоуп. Иара убас, ҳара абылра ацәыхьчаразы иахәҭоу амаҭәахә ала ашколқәа реиқәыршәара ҳазхиоуп”, – ҳәа адырра ҟаиҵеит Аҧсны Иҷыдоу аҭагылазаашьақәа рзы аминистр Лев Кәыҵниа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа