Ажәабжьқәа

Популярное

Леонид Минемиаги: мчыбжьык ала аҳҭнықалақьтәи асааҭ аусура еиҭашьақәыргылахоит

161
13.09.2017 12:40
Леонид Минемиаги: мчыбжьык ала аҳҭнықалақьтәи асааҭ аусура еиҭашьақәыргылахоит
Ааигәа иҟалаз амшцәгьа иахҟьаны, аҟәатәи асааҭқәа рмеханизм ахьышьақәгылоу ахыбра ааха ду аиуит.

Аҟәа. Цәыббрамза 13. Аҧсныпресс. Мадина Чагәааҧҳа. Аҳҭнықалақь асааҭқәа раанкылара мзызс иамоуи урҭ реиҭашьақәыргыларазы иаҭаххо аамҭеи рзы адыррақәа Аҧсныпресс ахь иааицҳаит асааҭ  ахәаҧшыҩ-атехник Леонид Минемиаги.

Леонид Минемиаги иҟаиҵаз адыррақәа рыла, ааигәа иҟалаз амшцәгьа иахҟьаны, аҟәатәи асааҭқәа рмеханизм ахьышьақәгылоу ахыбра ааха ду аиуит. “ Иҟалаз ақәыршҩы иахҟьаны, ахыбпра аҭыӡқәа ааха ҕәҕәа роуит, шьаҭанкыла аиҭашьақәыргыларатә усурақәа рымҩаҧгара хымҧадатәиуп. Убри инамаданы, асааҭ аусура аиҭалагара уадаҩуп”, – ҳәа иҳәеит аҟаза.

Аха иагьа ус иҟазаргьы, Леонид Минемиаги, асааҭқәа рҭагылазаашьа бзиоуп ҳәа иазгәеиҭеит. "Мчыбжьык иалагӡаны  асааҭқәа аусура иалагоит, аха уи аамҭалахоит", – ҳәа иҳәеит иара. 

Убри аан, Аҟәа ақалақь Ахадара аҿы иҟарҵаз адыррақәа рыла, уажәы аҳҭнықалақь ахадара асааҭтә механизм ахьышьақәыргылоу ауада аиҭашьақәыргылара иадҳәалоу азҵаара аӡбара иаҿуп.  


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа