Ажәабжьқәа

Хуан Висенте Паредес Торреальба Аҧсны иҟоу Венесуела ацҳаражәҳәаҩыс дҟаҵоуп

502
03.09.2015 10:53
Хуан Висенте Паредес Торреальба Аҧсны иҟоу Венесуела ацҳаражәҳәаҩыс дҟаҵоуп
Аҧсны адәныҟатәи аусқәа Рминистрра аҿы Аҧсны иҟоу Венесуела Ацҳаражәҳәаҩ ҿыц иҧылара мҩаҧысит. 

Аҟәа. Сентиабр 3. Аҧсныпресс. Аҧсны иҟоу Боливариантәи Ареспублика Венесуела АҷыдалкаатәЗинмчы змоуАцҳаражәҳәаҩХуан Висенте Паредес Торреальба Аҧсны адәныҟатәи аусқәа рминистр Виачеслав Чыркба агәраргагатә шәҟәқәа инапы иаиркит. Аминистр адипломат иоуз амаҵураҭыҧ ҿыц идиныҳәалеит. 

“Шәара аҳәынҭқарратә маҵзураҿы ишәымоу аҧышәа дуи иҳараку шәзанааҭтә ҩаӡареи ҳҳәынҭқаррақәа рыбжьара аганқәа зегьы рыла аполитикатә еимадара арҕәҕәара аус аҿы ицхыраагӡа дуны иҟалоит. Иахьа ҳҳәынҭқаррақәа ирыбжьоу аимабзиаратә еизыҟазаашьақәа аилибакаареи гәаартылатәи азнеишьеи рыла ишьаҭаркуп”, – ҳәа иажәахә аҿы иазгәеиҭеит Виачеслав Чыркба. 

“Ҳазҭоу аамҭазы Аҧсни Венесуелеи рыбжьара ҧшь-еиқәшаҳаҭрак венесуелатәи аган ахәаҧшразы ирыдгалоуп–визадатәи аиҭанеиааира, аҵарадырра, акультура, аспорт”, –ҳәа иазгәеиҭеит Аҧсны адәныҟатәи аусқәа русбарҭа анаҧхгаҩы. 

Ацҳаражәҳәаҩ иакәзар, уи иажәақәа рыла, акыр аамҭа раҧхьа Аҧсны аганахьала Уго Чавес иалиххьаз акурс,зхаҭарнакра ааирҧшуа атәыла иахьатәи анаҧхгарагьы ишадгыло, хымҧада иагьшынарыгӡо азгәеиҭеит. 

“Ҳара зинла еиҟароу аусура иацәхьамҵуа, зхы шьҭыхны ҧхьаҟатәи зҧеиҧш лаша зчаҧо ажәларқәа ахықәынхо ҳәынҭқаррақәоуп. Иахьа, аиашьареи аиҩызара иашеи рыла ишьаҭарку ҳаизыҟазаашьақәа ҳарҕәҕәалароуп, уи ҳҧеиҧш лаша иазҳәоуп”, – ҳәа инаҵшьны иазгәеиҭеит Хуан Висенте Паредес Торреальба. 

Хуан ВисентеПаредесТорреальба 1958 шықәса рзы Каракас ақалақь аҿы диит. 1980 шықәсазы Венесуелатәи арратә академиа далгеит. 

Иун 21 2013 шықәса инаркны – Урыстәыла иҟоу Венесуела Ацҳаражәҳәаҩыс аус иуан.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа