Ажәабжьқәа

Популярное

Хҩык аԥсуа сахьаҭыхыҩцәа русумҭақәа алахәхоит Грозныи имҩаԥысуа XI асахьаҭыхыҩцәа рцәыргақәҵа «Аахыҵ Урыстәыла» захьӡу аҿы

389
07.10.2013 11:02

 Хҩык аԥсуа сахьаҭыхыҩцәа русумҭақәа алахәхоит Грозныи имҩаԥысуа XI асахьаҭыхыҩцәа рцәыргақәҵа «Аахыҵ Урыстәыла» захьӡу аҿы. Уи аатит Чечентәыла, Грозныи ақалақь аҿы, Аҳмаҭ Кадыров ихьӡ зху амемориалтә комплекс «Ахьӡ-Аԥша апарк» аҟны жьҭаарамза 3 рзы.

Ацәыргақәҵа иалахәуп Урыстәыла асахьаҭыхыҩцәа Реидгылақәа жәибжь рыҟәша рҟынтәи: Адыгатәылантәи, Дагестанынтәи, Ингәыштәылантәи, Ҟабарда-Балкариантәи, Калмыкиантәи, Ҟарачы-Черқьесынтәи, Нхыҵ Уаԥстәылантәи, Ставропольтәи атәылаҿацә аҟынтәи, Астраханынтәи, Волгоградынтәи, Ростов атәылаҿацш аҟынтәи, Шәачантәи, Таганрогынтәи, Новоросискынтәи. Ацәыргақәҵаҿы иҟоуп еиуеиԥшым ахырхарҭақәеи ажанрқәеи рыла  аусумҭақәа.

Ацәыргақәҵахь инаган амҿтәы скульптура «Ааԥын», еицырдыруа аԥсуа скульптор Витали Џьениа иусумҭа, Сергеи Ҵәыџь иусумҭа «Ақалақьтә пеизаж», иара убасгьы х-графикатә усумҭак- Аҟәатәи асахьаҭыхҩы қәыԥш Маиана Ҵәыџьԥҳа лусумҭақәа.

Ацәыргақәҵа мҩаԥыслоит абҵарамза 3 рҟынӡа.

Аԥсны ахаҭарнак Витали Џьениа иара убасгьы ҳаҭыр зқәу сасык иаҳсаб ала дрылахәын агәырӷьаратә еилатәарақәа, урҭ рызкын Грозныи ақалақь 195 шықәса ахыҵра, уи азгәарҭеит жьҭаарамза 5 рзы. Аԥсны асахьаҭыхҩы ианашьахоит Чечентәыла Акультура аминистрра амедал «Аихьӡара дуқәа рзы».

 

 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа