Ажәабжьқәа

Популярное

Кан Кәарҷиа аҳҭнықалақь аҿы инхо ахәыҷырацәа змоу аҭаацәа аҳамҭақәа риҭеит

3515
30.12.2019 15:16
Кан Кәарҷиа аҳҭнықалақь аҿы инхо ахәыҷырацәа змоу аҭаацәа аҳамҭақәа риҭеит
Аҟәа ақалақь Ахадара аҿы 6-ҩык инареиҳаны ахәыҷқәа зааӡо аҭаацәа рҧылара мҩаҧысит.

Аҟәа. Ҧхынҷкәынмза 30. Аҧсныпресс. Дамеи Касланӡиа. Аҟәа ақалақь Ахадара аҿы 6-ҩык инареиҳаны ахәыҷқәа зааӡо аҭаацәа 30 нызқь рҟынӡа инаӡо аҧаратә ҳамҭақәеи ашықсҿыцтәи аҳамҭақәеи ранашьара мҩаҧысит.

Убри аан, Аҟәа ақалақь ахада инапынҵақәа назыгӡо Кан Кәарҷиа урт ашықәс ҿыц аныҳәа рыдиныҳәало иазгәеиҭеит: “Ҳара ҳуааҧсыра реизҳазыҕьара азааҧсара ҳазхиоуп. Жәаҳәарада ацхыраара зҭаху аҭаацәа маҷымкәа иҟоуп. Аха иахьа ҳара ахыҷырацәа змоу аҭаацәа иҳалшо ала адгылара раҳҭар ҳҭахуп. Иааиуа Ашықәс Ҿыц аныҳәа шәыдысныҳәалоит. Шәхыҷқәеи шәареи агәабзиареи аизҳазыҕьареи шәзеиҕьасшьоит!”

Ахәҭакахьала ахәыҷырацәа ран Николь Сабова аҳҭнықалақь ахада ҭабурп ҳәа иаҳәо иазгәалҭеит: “Иҭабуп ҳәа шәасҳәар сҭахуп ахәыҷырацәа змоу аҭаацәа ахьышәхамышҭуа азы. Шәара Ахадара шәахагылеижьҭеи зҽызыҧсахыз маҷӡам, уи убаратәы иҟоуп. Шәара аӡәырҩы шәҿыҧшыртә иҟоуп. Хра злоу аусқәа хацыркуп ҳәа уҳәаратәы иҟоуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа