Ажәабжьқәа

Популярное

Иунус-Бек Евкуров Рауль Ҳаџьымба Аиааира агара 25-шықәса ахыҵреи Ахьыҧшымреи Рымш идиныҳәалеит

113
30.09.2018 10:40
Иунус-Бек Евкуров Рауль Ҳаџьымба  Аиааира агара 25-шықәса ахыҵреи Ахьыҧшымреи Рымш идиныҳәалеит
“Аҧсни Ингуштәылеи еснагь аиҩызареи аилибакаареи рыла ишьаҭарку аизыҟазаашьақәа рыбжьан. Агәра ганы сыҟоуп урҭ, ҳажәларқәа реизҳазыҕьара иазырханы  аринахысгьы хра злоу аҿиара шаиуо”, – ҳәа иҳәеит Иунус-Бек Евкуров.

Аҟәа. Цәыббрамза 30. Аҧсныпресс. Ингуштәыла Ахада Иунус-Бек Евкуров Рауль Ҳаџьымба  Аиааира агара 25-шықәса ахыҵреи Ахьыҧшымреи Рымш идиныҳәалеит.

Адныҳәаларатә шәҟәы аҿы, ахәҭакахьала, иазгәаҭоуп:

“Хаҭала Шәареи, Аҧсны ажәлари Аиааира агара 25-шықәса ахыҵреи Ахьыҧшымреи Рымш гәык-ҧсыкала ишәыдысныҳәалоит!

Ари аныҳәа ду Аҧсны ауаажәлар рфырхаҵареи ргәымшәареи аанарҧшуеит. Аиааира агара шалыршахо, аҭынч аамҭа шышьақәгыло  азы агәрагареи акзаареи ирыбзоураны, акыр амыҟәмабарақәа рыхганы  ахьыҧшымра  аиура рылшеит.

Иахьа Ареспублика Аҧсны – зыдгьыл чашәоу, зеиҕьаҟам акурортқәа рыла ибеиоу, насгьы, зегьы ирыцку, аидгылареи, асасдкылареи злоу ажәлар ала иаарҧшуп. Ареспублика Анаҧхгареи уи ауааҧсыреи  ареспублика асоциал-економикатә ҿиара азы ирылшо зегьы ҟарҵоит.

Ҳаҧхьаҟагьы Аҧсны иреиҕьу аҧеиҧш амазаауеит.  Аҧсни Ингуштәылеи еснагь аиҩызареи аилибакаареи рыла ишьаҭарку аизыҟазаашьақәа рыбжьан. Агәра ганы сыҟоуп урҭ, ҳажәларқәа реизҳазыҕьара иазырханы  аринахысгьы хра злоу аҿиара шаиуо.                                             

Ҳаҭыр зқәу Рауль Џьумка-иҧа. Гәык-ҧсыкала ишәзеиҕьасшьоит агәабзиара ҕәҕәа, иазҧхьагәаҭаны ишәымоу аусқәа рҿы ақәҿиарақәа, наҧхгара зышәҭо Аҧсны ажәлар аҭынчреи, аизҳазыҕьареи!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа