Ажәабжьқәа

Популярное

Ирыҩшьу аҕбаныҟәцаҩцәа рзы административтә қәнагақәыршәара алагалахоит.

135
01.11.2017 16:02
Ирыҩшьу аҕбаныҟәцаҩцәа рзы административтә  қәнагақәыршәара алагалахоит.
  
Уи азы Жәлар Реизара-Апарламент аилатәара аҿы Азакәан апроект рыдыркылеит. 

Аҟәа. Абҵарамза 1. Аҧсныпресс.  Елена Полуиан. Аҧсны Жәлар Резара-Апарламент аилатәара аҿы “Аҧсны Аҳәынҭқарра азакәанҧҵаратә шәҟәынҵақәак аиҭакрақәа ралагалара азы” Азакәан рыдыркылеит. 

Азакәан апроект адгалара мҩаҧго, Жәлар Реизара-Апарламент аҿы Аҧсны Аҳәынҭқарра Ахада ихаҭарнак Дмитри Шамба абас еиҧш алкаа ҟаиҵеит: “Аиҭакрақәа административтә зинеилагарақәа рзы Аҧсны Азакәанеидкылеи административтә зинеилагарақәа рзы аӡбареиҿкаара рзы Азакәанеидкылеи ирылагалахоит. Иарбоу аусшәҟәы инақәыршәаны, аҕбақәеи, егьырҭ аӡы иху анышьқәеи аҧрақәеи рхылаҧшра зду аинспекторцәа рзинмчы аҽаҧсахуеит. “Иахьа аус зуа азакәанҧҵара ирыҩшьу аҕбаныҟәцаҩцәа рганахьала иахәҭоу ауснагӡатәқәа рымҩаҧгара азы алшара аҧнаҵом. Иара убас, аҕбақәа рыҩныҵҟа абылрацәыхьчаратә шәарҭадара аҧҟарақәа реилагара азы ахараҧсатә қәҵатәқәа еизырҳахоит”, -ҳәа алкаа ҟаиҵеит Дмитри Шамба. 

Азакәан апроект рыдыркылеит актәи аҧхьараҿы. 

Иара убасҵәҟьа, аилатәара аҿы Аҧсны Иҷыдоу аҭагылазаашьақәа рзы Аминистрра аусура закәанла иҳәаақәызҵо даҽа Закәангьы адкылара мҩаҧган. Уи “Арратә маҵзура иахысуаз, атәыла аҩныҵҟатәи аусқәа русбарҭақәа рҿы аус зуаз, аҳәынҭқарратә шәарҭадареи иреиҳаӡоу ачынуааи урҭ рҭаацәеи рыхьчара азы аҳәынҭқарратә маҵзура аусзуҩцәеи ртәанчаҩратә еиқәыршәара азы” Аҧсны Аҳәынҭқарра Азакәан аиҭакрақәа ралагалара азы” Азакәан ауп.  Уажәырнахыс Иҷыдоу аҭагылазаашьақәа рзы Аминистрра аҿы амаҵзура иахысуазгьы атәанчаҩра ахь ианцалак ашьҭахь иҷыдоу аиқәыршәара аҿы иҟалоит.


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа