Ажәабжьқәа

Популярное

Ирҿыцу, ҳаамҭа иақәшәо атехника ала еиқәыршәоу аҵиаақәа ркарантин азы аҳәынҭқарратә инспекциа афитосанитартә лабораториа аусура иалагеит

417
29.11.2019 14:51
Ирҿыцу, ҳаамҭа иақәшәо атехника ала еиқәыршәоу аҵиаақәа ркарантин азы аҳәынҭқарратә инспекциа афитосанитартә лабораториа аусура иалагеит
Аҵиаақәа ркарантин азы аҳәынҭқарратә инспекциа афитосанитартә лабораториа аҿы ирҿыцу ҳаамтҭазтәи атехника шьақәыргылоуп.

Аҟәа. Абҵарамза 29. Аҧсныпресс. Ҭамара Ачҧҳа. Аҵиаақәа ркарантин азы аҳәынҭқарратә инспекциа аҿы ирҿыцу, ҳаамҭа иақәшәо атехника ала еиқәыршәоу афитосанитартә лабораториа аусура иалагеит. Алабораториа аартра иадҳәалоу аусмҩаҧгатә рхы аладырхәит Аҳәынҭқарра Ахада Рауль Ҳаџьымба, атәыла аҧыза-министр Валери Бганба.

Аҵиаақәа ркарантин азы аҳәынҭқарратә инспекциа алабораториа аиҳабы Маиа Шьынқәба, алабораториа арҿыцреи иахәҭоу амаҭәахәқәа рыла реиқәыршәареи лҵшәа бзиала аҭҵаарақәа рымҩаҧгаразы алшарақәа ишрыцнаҵо азгәалҭеит: “Аибашьра ашықәсқәа рышьҭахь алабораториа арҿыцреи иахәҭоу маҭәахәыла аиқәыршәареи рзы раҧхьаӡа акәны аҭагылазаашьа аҧҵоуп. Ҳтәыла Ахада аҧхьа днаргыланы, анапхгара зегьы иҭабуп ҳәа расҳәарц сҭахуп алабораториатә ҭҵаарақәа рзы лҵшәа бзиала аус ҳуртә аҭагылазаашьа ахьаҳзаҧырҵаз. Хкы рацәала аекспертиза амҩаҧгаразы ҳҭагылазаашьа акыр еиӷьхеит”.

Убри аан, Аҳәынҭқарра Ахада иазгәеиҭеит, алабораториа алҵшәақәа ирласны ахархәара шрыҭатәу аҵиаа аҧхасҭа азҭо раҧырҟәҟәареи рықәхреи рзы.



Имҩаҧгаз аусурақәа ирылҵшәаны, афитосанитартә лабораториа еиқәыршәоуп ихымҧадатәиу, ҳаамҭа иақәшәо амаҭәахәқәа рыла, аентомологиатә, афитопатологиатә, абактериалогиатә, агельминтологиатә еспертизақәеи, егьырҭ аҵиаақәа рекспертизақәеи рымҩаҧгаразы. Аекспертиза ахкқәа зегьы хаҭабзиарала рымҩаҧгара акырзҵазкуа етапуп абаҳчақәеи, адәқәеи, абнақәеи рыхьчаразы, иара убас ишәарҭоу аҧхасҭа ҟазҵо ахәаҷа-маҷа рнырҵәаразы.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа