Ажәабжьқәа

Инна Барчан: атәыла аҭоурых-культуратә ҭынха ахьчара – ари аҳәынҭқарра хра злоу аҿаиара шьақәзырҕәҕәо факторуп

227
05.07.2018 12:23
Инна Барчан: атәыла аҭоурых-культуратә ҭынха ахьчара – ари аҳәынҭқарра хра злоу аҿаиара шьақәзырҕәҕәо факторуп
Акультуреи аҭоурых-культуратә ҭынха ахьчара Аминистрраҿы имҩаҧгаз абрифинг аҿы Аҧсни Урыстәылеи акультура аусзуҩцәа Аҧсны агеоинформациатә система аҧҵара иаҵоу аҵакы ахадара иалацәажәеит.

Аҟәа. Ҧхынгәымза 5. Аҧсныпресс. Мадина Чагәааҧҳа. Акультуреи аҭоурых-культуратә ҭынха ахьчара Аминистрраҿы имҩаҧгаз абрифинг аҿы, акультуратә сезон “Урыстәыла-Аҧсны-2018” аҳәаақәа ирҭагӡаны имҩаҧысуаз анаука-ҧышәатә конференциа “Агеоинформациатә системақәа, аҭоурых-культуратә ҭынха ахьчара азы ихадоу афактор аҳасабала” алахәылацәа Аҧсны агеоинформациатә система аҧҵара иаҵоу аҵакы ахадара иалацәажәеит. 

Абрифинг аартуа акультуреи аҭоурых-культуратә ҭынха ахьчара аминистр Ельвира Арсалиаҧҳа, акультуратә сезон “Урыстәыла-Аҧсны – 2018” – 10 шықәса ахыҵит ҳәа иазгәалҭеит. “Ари аамҭа иалагӡаны еиуеиҧшым ахырхарҭа змаз 200 инарзынаҧшуа аусмҩаҧгатәқәа нагӡан. 2015 шықәса инаркны, акультура Аминистрра акультуреи аҭоурых-культуратә ҭынха Аминистрраны аҟаҵара азы аӡбамҭа анрыдыркыла ашьҭахь, аҭоурых-культуратә ҭынха ахьчара еицынаҳагӡоз апланқәа рыхәҭа хаданы иҟалеит. Аҵыхәтәантәи ашықәсқәа рзы шықәсык ахь изныкымкәа аиҧылара иадҳәаланы аҧышәа бзиа шьақәгылеит. Аҧышәеи агәаанагарақәеи рыла аимадара акырӡа хра злоу усны иҟоуп”, – ҳәа илҳәеит лара. .

Акультуреи аҭоурых-культуратә ҭынха ахьчара аминистр ихаҭыҧуаҩ Баҭал Кобахьиа иара убас аҳәынҭқарратә структурақәа зегьы рҿы агеоинформациатә система алагалара азы аҧшьгара дадгылеит: “Аҧсны акультуреи аҭоурых-культуратә ҭынха ахьчара Аминистрра  арҭ атехнологиа ҿыцқәа рхархәара алазгало раҧхьатәи ҳәынҭқарратә структуроуп. Акультуратә ҭынха азы агеоинформациатә технологиа аҧҵара ишахәҭоу ала аус заурым, аиҧшзеиҧшу асистема егьырҭ аусбарҭқәа рҿы иалагаламхар. Ашәарҭара иҭагылоу аҭынха, мамзаргьы ахылаҧшра змоу аҭынха, уҳәа иҳамоу аҭынха азы инагӡаны адырра ҳаманы ҳаныҟала ауп алҵшәа бзиала аусура аналыршахо”.

Ахәҭакахьала, аилазаарақәа “ЭкоГеоПроект” ргәыҧ анаҧхгаҩы Инна Барчан  агеоинформациатә системақәа ралагалара иадҳәалоу апроект дахцәажәеит: “Ари агеоинформациатә системақәа Аҧсны ралагалара иазку раҧхьатәи ҧышәоуп. Ҳәара аҭахума, атәыла аҭоурых-культуратә ҭынха ахьчара – ари аҳәынҭқарра хра злоу аҿаиара шьақәзырҕәҕәо факторуп. Аҭоурых-культуратә обиектқәа рыхьчара иазырхоу аеффектра злоу аметодқәа зегьы ароль ду нарыгӡоит. Агиоинформациатә системақәа – ари аҭоурых-культуратә ҭынха ахьчара иадҳәалоу, иҕәҕәоу, аинформациатә, аинтеграциатә ресурс ауп. Ҳаҧхьаҟа 2 000 инареиҳаны аобиектқәа рзы адыррақәа иаку адыррақәа реизга алагалара азҧхьагәаҭоуп. Актәи аетап аҟны адыррақәа ралагалара еиҳа имаҷхоит. Аха асистема аҳәаақәа арҭбаалоит. Ҳара аспециалистцәа рыҧшаара, разыҟаҵара, аусура ралагалара уснагӡатәны иҳадуп. Агәыҕра ҳамоуп иазҧхьагәаҭаны иҳамоу зегьы хра злоу алҵшәа аанарҧшып ҳәа”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа