Ажәабжьқәа

Популярное

Инар Гыцба Аҳәынҭқарратә инвестициатә Маҵзура анаҧхгаҩыс дҟаҵоуп

69
11.01.2018 18:47
Инар Гыцба Аҳәынҭқарратә  инвестициатә Маҵзура анаҧхгаҩыс дҟаҵоуп
Уи азы Ақәҵара инапы аҵаиҩит Аҧсны аекономика аминистр Адгәыр Арӡынба.

Аҟәа. Ажьырныҳәамза 11. Аҧсныпресс. Аҧсны аекономика аминистр Адгәыр Арӡынба Инар Гыцба Аҳәынҭқарратә инвестициатә Маҵзура анаҧхгаҩыс иҟаҵара азы Ақәҵара инапы аҵаиҩит. 


(АП): Инар Гыцба мшаҧымза 28, 1985 шықәса рзы Ҭҟәарчал ақалақь аҿы диит. 

2002 шықәса рзы Гагра ақалақь аҿы “Башарантәи аколеџь” далгеит.

2003 шықәса инаркны 2007 шықәсанӡа Гданьтәи аҳәынҭқарратә Университет, “Жәларбжьаратәи аизыҟазаашьақәа” азаанаҭ ала аполитологиа афакультет аҿы аҵара иҵон.  

2008 шықәса инаркны 2012 шықәсанӡа Аҧсны Аҳәынҭқарра Ахада иҟны иҟоу астратегиатә ҭҵаарақәа Рцентр агеополитика аҟәша атҵааратә усзуҩыс аус иуан.

2012 шықәса инаркны – Аҧсны адәныҟатәи аусқәа Рминистрра Ҭырқәтәылеи Ааигәатәи Мрагылареи рыҟәша аиҳабыс аус иуан.

2012 шықәса рзы адәныҟатәи аусқәа рминистр ицхырааҩыс дҟаҵан. 

Рашәарамза 25, 2013 шықәса рзы Аҧсны аминистрцәа Реилазаара Ақәҵарала арепатриациа азы аҳәынҭқарратә Еилакы ахантәаҩы ихаҭыҧуаҩыс дҟаҵоуп.

2008 шықәса инаркны 2014 шықәсанӡа Аҧснытәи аҳәынҭқарратә Университет асоциологиеи аполитологиеи ркафедра аҿы алециақәа дрыҧхьон.

Рашәарамза11, 2014 шықәса рзы Аҳәынҭқарра Ахада инапынҵақәа назыгӡоз Валери Бганба ила Инар Гыцба  Ҭырқәтәылатәи Ареспублика  аҿы Аҧсны Аҳәынҭқарра аҷыдалкаатә зинмчы змоу ахаҭарнакыс дҟаҵан. 

Рашәарамза 17инаркны иахьа уажәраанӡа – Аҧсны адәныҟатәи аусқәа Рминистрра иҷыдоу анапынҵақәа рзы ацҳаражәҳәаҩыс дыҟан.

Инар Гыцба ихатәы аҧсуа бызшәа адагьы аурыс, англыз, аҭырқәа, аполиак бызшәақәа идыруеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа