Ажәабжьқәа

Популярное

Иналукааша аҳәынҭқарратә, аполитикатә усзуҩы, Анри Михаил-иҧа Џьергьениа иҧсҭазаара иалҵра инамаданы Аҳәынҭқарратә комиссиа аҧҵоуп

3391
06.01.2020 13:13
Иналукааша аҳәынҭқарратә, аполитикатә усзуҩы, Анри Михаил-иҧа Џьергьениа иҧсҭазаара иалҵра инамаданы Аҳәынҭқарратә комиссиа аҧҵоуп
Уи азы Адҵа  инапы аҵаиҩит Аҳәынҭқарра Ахада Рауль Ҳаџьымба.

Аҟәа. Ажьырныҳәамза 6. Аҧсныпресс. Аҧсны Аҳәынҭқарра Ахада Рауль Ҳаџьымба иналукааша аҳәынҭқарратә, аполитикатә усзуҩы, ҧасатәи Аҧсны Аҳәынҭқарра аҧыза-министр Анри Михаил-иҧа Џьергьениа иҧсҭазаара иалҵра инамаданы Аҳәынҭқарратә комиссиа аҧҵаразы Адҵа инапы аҵаиҩит. Акомиссиа ахантәаҩыс даҭоуп атәыла Анапхгара ахада Валери Бганба.

 Адҵа атекст аҟны иҳәоуп:

“Иналукааша аҳәынҭқарратә, аполитикатә усзуҩы, ҧасатәи Аҧсны Аҳәынҭқарра аҧыза-министр Анри Михаил-иҧа Џьергьениа иҧсҭазаара иалҵра инамаданы иаҧҵазааит Аҳәынҭқарратә комиссиа абри аилазаараҟны:

– Бганба В. Р. – Аҧсны Аҳәынҭқарра аҧыза-министр, Акомиссиа Ахантәаҩы;

– Аршба Д. Џь. – Аҧсны Аҳәынҭқарра аҧыза-министр актәи ихаҭыҧуаҩ;

– Занҭариа В. К. – Аҧсны Аҳәынҭқарра Ахада иабжьгаҩ;

– Кәарҷиа К. В. – Аҟәа ақ. Администрациа ахада инапынҵақәа назыгӡо;

– Ладариа Р. М. – Гәдоуҭа араион администрациа ахада;

– Маршьан З. К. – Аҧсны Аҳәынҭқарра аминистрцәа Реилазаара Аппарат анапхгаҩы ихаҭыҧуаҩ;

– Сангәлиа М. П. – Аҧсны Жәлар Реизара – Апарламент Аиҳабы ихаҭыҧуаҩ;

– Ҭырқьба Р. Л. – Аҧсны Аҳәынҭқарра Апрокурор хада ихаҭыҧуаҩ;

– Чкотуа Д. А. – Лыхны ақыҭа Администрациа ахада;

– Шьынқәба А. Е. – Аҧсны Аҳәынҭқарра Абыргцәа Рхеилак ахантәаҩы”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа