Ажәабжьқәа

Ихыркәшахеит Жәларбжьаратәи ашахматтә турнир “Аҟәа Опен -2017”

584
10.08.2017 17:17
Ихыркәшахеит Жәларбжьаратәи ашахматтә турнир “Аҟәа Опен -2017”
Аҳҭнықалақь аҿы ашахматтә турнир “Аҟәа Опен -2017”аҿы аиааира згаз аҳамҭақәа ранашьара ацеремониа мҩаҧысит.  

Аҟәа. Нанҳәамза 10. Аҧсныпресс. Дамеи Касланӡиа. Аҟәатәи ахәыҷтәы-қәыҧштә спорттә школ №1 аҿы Жәларбжьаратәи ашахматтә фестиваль “Аҧсны Опен” аҳәаақәа ирҭагӡаны имҩаҧысуаз ашахматтә турнир “Аҟәа Опен -2017”аҿы аиааира згаз аҳамҭақәа ранашьара ацеремониа мҩаҧысит.  

Убри аан, Аҧсны ашахматқәа Рфедерациа апрезидент Константин Ҭыжәба иазгәеиҭеит: “Ари аицлабра абар шьҭа 14 шықәса ирылагӡаны имҩаҧысуеит, есышықәса уи алахәылацәа рхыҧхьаӡара еизҳауеит. Атурнир рхы аладырхәуеит еицырдыруа агроссмеистерцәагьы. Сынтәагьы зегьы маншәаланы имҩаҧысит, иарбоу аусмҩаҧгатә алахәылацәа зегьы уи аиҿкаара гәахәара дула ирыдыркылеит”.  

Ҳтәыла сасны иаҭааз Римма Артеменко Жәларбжьаратәи ашахматтә фестиваль “Аҧсны Опен” алахәхаразы есышықәса Аҧсныҟа даалоит. Уи иазгәалҭеит: “Сара ари атурнир абар жәынтәуп схы аласырхәоижьҭеи, зегьы зеиҕьаҟам ала еиҿкаауп. Агәра ганы сыҟоуп иааиуа ашықәс азгьы саап ҳәа”. 

Атурнир алахәылацәа аҳаҭыртә бҕьыцқәеи амедалқәеи рыла иалкаахеит. Аҧхьахәгаҩцәа аҧаратә ҳамҭақәа ранашьахеит.  


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа