Ажәабжьқәа

Икьакьоу абзазаратә црыҵқәа реизакырҭа Гәылрыҧшь араион Кациқыҭ ақыҭа аҿы еиҿкаахоит

115
22.04.2019 13:47
Икьакьоу абзазаратә црыҵқәа реизакырҭа Гәылрыҧшь араион Кациқыҭ ақыҭа аҿы еиҿкаахоит
Аҧсны Жәлар Реизара – Апарламент адепутатцәа икьакьоу абзазаратә црыҵқәа реизакырҭа аиҿкааразы“ ақыҭанхамҩатә хархәаразы адгьыл”, акатегориа аҟынтәи “ааглыхра, атранспорт, аимадара, атәылахьчара, уҳәа егьырҭ иҷыдоу ахархәаразы адгьыл” акатегориа ахь ииаргеит.

Аҟәа. Мшаҧымза 22. Аҧсныпресс. Мадина Чагәааҧҳа. Аҧсны Жәлар Реизара – Апарламент аилатәара аҿы Гәылрыҧш араион ақыҭа Кыциқыҭ аҿы иҟоу адгьыл икьакьоу абзазаратә црыҵқәа реизакырҭа аиҿкааразы“ ақыҭанхамҩатә хархәаразы адгьыл”,  акатегориа аҟынтәи “ааглыхра, атранспорт, аимадара, атәылахьчара, уҳәа егьырҭ иҷыдоу ахархәаразы адгьыл” актегориа ахь аиагара азы аминистрцәа Реилазаара азин аҭара иазкны Ақәҵара рыдыркылеит.

Ақәҵара апроект адгалара мҩаҧго, аграртә политикеи, аҧсабаратә ресурсқәеи, аекологиеи рзы апарламенттә Еилакы ахантәаҩы Асҭамыр Ҭарба, аспециалистцәа рыла абзазаратә црыҵқәа реизакырҭа аиҿкааразы адгьыл алхра иазкны аусура ду мҩаҧган ҳәа иазгәеиҭеит. “Уажәтәи аамҭазы сколлегацәеи сареи иарбоу аҭыҧ  аҿы ҳнеины уи лабҿаба иаабахьеит”, – ҳәа иҳәеит иара.

Асҭамыр Ҭарба иҟаиҵаз адыррақәа рыла, Гәылрыҧшь араион ақыҭа Кыциқыҭ аҿы абзазаратә црыҵқәа реизакырҭа аиҿкааразы иазоужьу адгьыл 36-гектар рҟынӡа инаӡоит.

Убри аан, Аҧсны Жәлар Реизара – Апарламент аиҳабы ихаҭыҧуаҩ Саид Ҳаразиа инаҵшьны иазгәеиҭеит: “Гәылрыҧшь араион ауааҧсыреи, иааизакны атәылауаа зегьи рзы акырӡа аанагоит иарбоу апроект анаукатә дыррақәа рыла ишьаҭаркны, араион анапхгареи аспециалистцәеи ақәыршаҳаҭны, ҭакҧхықәрала иазнеиртә алыршара. Агәамеизакырҭа ауааҧсыра рзы хымҧада ишәарҭадахароуп”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа