Ажәабжьқәа

Популярное

Ииа Барзаниа: Гәдоуҭатәи ахәышәтәырҭа аинфекциатә ҟәша аҿы ирыдыркылар рылшит 300-ҩык инарзынаҧшуа ауаа

95
30.03.2020 16:25
Ииа Барзаниа: Гәдоуҭатәи ахәышәтәырҭа аинфекциатә ҟәша  аҿы ирыдыркылар рылшит 300-ҩык инарзынаҧшуа ауаа
Гәдоуҭатәи ахәышәтәырҭа хада амедиаҳәшьа еиҳабы Иҷыдоу аҭагылазаашьаҿы иарбоу ахәшәтәырҭа аусуразы аҽазыҟаҵара шымҩаҧысуа азы адырра ҟалҵеит.

Аҟәа. Хәажәкырамза 30. Аҧсныпресс. Гәдоуҭатәи ахәышәтәырҭа хада аҿкы чымазара зыхьуа апациентцәа рыдкылара иазхиоуп. Абри атәы ажурналистцәа ирзеиҭалҳәеит Гәдоуҭатәи ахәышәтәырҭа хада амедиаҳәшьа еиҳабы Ииа Барзаниа.

Ииа Барзаниа лажәақәа рыла, иахьазы ахәышәтәырҭаҿы апациентцәа зынӡа имаҷуп. Аинфекциатә ҟәша аҿы акороновирусттә ҿкы чымазара ицәа иалоуп ҳәа гәаҩарас иҟоз аӡәы заҵәык дышьҭоуп. Аха уигьы агәаҭарақәа данырхыс ашьҭахь иарбоу ачымазарала дшычмазаҩым  еилкаахеит. Уи лажәақәа рыла, зынӡа атәыла аҿы акороновирусттә ҿкы чымазара азы игәҩароу ҩыџьа заҵәык роуп иаарҧшыз, аха урҭгьы ишьақәырӷәӷәамхаӡеит.

Иара убас, Гәдоуҭатәи ахәышәтәырҭа хада амедиаҳәшьа еиҳабы  иҟалҵаз адыррақәа рыла, ахәышәтәырҭа аҿы арыҧҳақәа рыҩныҵҟа иҧсабаратәым аҳауаеҭныҧсахлара азы аиқәаршәагақәа 7 аусуразы ирхиоуп, иара убас Гагреи Аҟәеи рҟынтәи иарбоу аппаратқәа иреиуоу еиҭа иаагоуп. “Ахәшәқәеи ихымҧадатәиу аиқәыршәагақәеи рыла ҳахиоуп. Ахәышәтәырҭа аинфекциатә ҟәша аҿы ирыдыркылар рылшит 300-ҩык инарзынаҧшуа ауаа”, – ҳәа инаҵшьны иазгәалҭеит лара.

Ииа Барзаниа Иҷыдоу аҭагылазаашьаҿы ахәышәтәырҭа аусушьа далацәажәеит: “Аҳақьым хадеи ҳареи есымша ҳҷаҧшьоит, аусураҿы ҳаҟоуп. Аусзуҩцәа зегьы убасҵҟьа џьаргьы ицаӡом, араҟа иҟоуп. Иааиҧмырҟьаӡакәа аҽазыҟаҵарақәа ҳархысуеит. Урҭ рхы аладырхәуеит иара убас урыстәылатәи ҳколлегацәагьы. Ҳаидгыланы, ҳҳәоу еиқәшәаны аус аауеит. Амедикцәа зегьы аҽыхьчагатә маҭәа ала еибыҭоуп. Аинфекциатә ҟәша иҩнамгалакәа апациентцәа заанаҵтәи реихшаразы амшьамбатә қьалақәа ыҟоуп. Аха уажәазы, акарантин алаҳәарала иадҵаало ауаа рхыҧхьаӡара шацлазгьы, ус еиҧш аусмҩаҧгатә мҩаҧаамгаӡацт”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа