Ажәабжьқәа

Популярное

Игорь Кошин: зегьы ирыцку Аҧсны атәылауаа зегьы хра злоу аиҭакрақәа рнырырц азы аинвестициақәа реизырҳара

55
22.04.2019 17:33
Игорь Кошин: зегьы ирыцку Аҧсны атәылауаа зегьы хра злоу аиҭакрақәа рнырырц азы аинвестициақәа реизырҳара
Аинвестициатә усеицуразы ахылаҧшырҭабжьаратәи акомиссиа аусуратә гәыҧ актәи аилатәара алагеит.

Аҟәа. Мшаҧымза 22. Аҧсныпресс. Лана Ҵәыџьҧҳа/Ҭамара Ачҧҳа. Аминистрҟцәа Реилазаара аҿы Аҧсны Аҳәынҭқарреи Урыстәылатәи Афедерациеи рыбжьара асоциал-економикатә усеицура азы ахылаҧшырҭабжьаратәи акомиссиа  аусуратә гәыҧ актәи аилатәара алагеит. Аилатәара анапхгарабжьаратәи акомиссиа аҧсуа-аурыс ганқәа рхантәаҩцәа – Аҧсны аекономика аминистр Адгәыр Арӡынбеи, Нхыҵ-Кавказ аусқәа рзы Урыстәылатәи Афедерациа аминистр ихаҭыҧуаҩ Игорь Кошини рхантәаҩрала имҩаҧысуеит. Аиҧылара иара убас рхы аладырхәраны иҟоуп Урыстәылатәи Афедерациа аекономикатә ҿиара Аминистрра, Урыстәылатәи Афедерациа аиустициа Аминистрра, иара убас, Аҳазылхратә Маҵзуреи Урыстәылатәи Афедерациа Амилаҭтә банки рхаҭарнакцәа.  

Игорь Кошин иазгәеиҭеит: “Иарбоу аусмҩаҧгатә Анапхгарабжьаратәи Акосмиссиа аилатәара аламҭалазы имҩаҧысуеит. Уи иалагӡаны, урыстәылатәи аинвесторцәа рышәҟәҭагалара иадҳәалоу апроцедура армариара алыршара иалацәажәараны иҟоуп. Зегьы ирыцку Аҧсны атәылауаа зегьы хра злоу аиҭакрақәа рнырырц азы аинвестициақәа реизырҳара”.

Ахәҭакахьала,, Адгәыр Арӡынба иара убас, аҩганктәи аивестициатә процессқәа реизырҳара иазырханы мҽхакы ҭбаала аусура мҩаҧгатәны иҟоуп ҳәа инаҵшьны иазгәеиҭеит: “Ишдыру еиҧш, Урыстәыла Аҧсны иахьаҵанакуа аинвестициатә хыҵхырҭа хаданы иҟоуп. Ҳара урыстәылатәи аусдкылаҩцәа ишьҭырхуа азҵаарақәа ахшыҩзышьҭра ду аҳҭоит. Иахьатәи аилатәара, иарбоу аформат ала имҩаҧысуа раҧхьатәи усмҩаҧгатәуп, аха ҳара иаҳзеиҧшу амшхәаҧштә  аҿы еиҳа актуалра злоу ахырхарҭақәа ралкаара ҳахьӡеит”, – ҳәа иҳәеит иара.

Иара убас, аиҧылара алахәылацәа аҧсуа-аурыс абанкқәа рыбжьаратәи усеицуреи, 2017-2019 шш. Аҧсны асоциал-економикатә ҿиара ацхыраара иазырхоу Аинвестициатә программа аҳәаақәа ирҭагӡаны ауснагӡатәқәак рынагӡара иадҳәалоу азҵаарақәа жәпакы ирылацәажәараны иҟоуп.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа