Ажәабжьқәа

Популярное

Игорь Ахба: Алықьса Гогәуа ирҿиамҭақәа аҧсадгьыл ахь абзиабара ҕәҕәала ианыҧшуеит

303
15.03.2017 13:02
Игорь Ахба: Алықьса Гогәуа ирҿиамҭақәа аҧсадгьыл ахь абзиабара ҕәҕәала ианыҧшуеит
Урыстәылатәи Афедерациа иҟоу Аҧсны аҷыдалкаатә зинмчы змоу Ацҳаражәҳәаҩ Игорь Ахба ашәҟәыҩҩы Алықьса Гогәуа 85-шықәса ихыҵра инамаданы адныҳәаларатә шәҟәы изааишьҭит.

Аҟәа. Хәажәкыра 15. Аҧсныпресс. Адныҳәаларатә шәҟәы аҿы иаҳәоит:

“Шәара аҟыбаҩ ду злоу ашәҟәыҩҩы, апублициаст,аҧсны анҭыҵгьы шәеицырдыруеит. Шәара шәырҿиамҭақәа аҧсадгьыл ахь ишәымоу абзиабареи шәыблар аҧеиҧш азхьаареи ҕәҕәала ианыҧшуеит. Хажәлар рмилаҭтә-хақәиҭратә қәҧара аҿы Шәара шәлагала ду ахә ашьара уадаҩуп.Шәара шәыуаажәларратә усура ҳреспублика аинтересқәа рыхьчара аҿы аҭыҧ змаз афырхаҵареи аптриотизм иашеи зыршаҳаҭуа ҿырҧшыгас иҟоуп.

Ҳаҭыр зқәу Алықьса Ноча-иҧа,акыр шықәса иалагӡаны агәабзиара ҕәҕәеи арҿиаратә лшарақәеи шәыманы аҟазаара шәзеиҕьасшьоит, шәара акы иаламҩашьо шәҟыбаҩ даҽа ҧыҭраамҭа ҳалагәырҕьалартә иҟалааит. Агшәамчи агәеизҳареи ашәҟәыҩҩратә гәазыҳәареи шәҭаацәа рҿы аманшәалареи аизҳазыҕьареи шәзеиҕьасшьоит! ” – ҳәа иаҳәоит адныҳәаларатә шәҟәыв аҿы.


(АП): Алықьса Ноча-иҧа Гогәуа – Асовет Еидгыла ашәҟәыҩҩцәа Реидгылеи Аҧсны ашәҟәыҩҩцәа Реидгылеи Урыстәыла ашәҟәыҩҩцәа Реидгылеи рлахәыла,Аҧсны Жәлар рартист, Д. И. Гәлиа ихьӡ зху Аҳәынҭқарратә премиа алауреат, “Ахьӡ-Аҧша” аорден I аҩаӡара акавалер.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа