Ажәабжьқәа

Популярное

Игор Ахба Аҧсны абжьаҟазаратә операциа анагӡара 25-шықәса ахыҵра иазкны имҩаҧгаз астол гьежь ихы алаирхәит

189
29.11.2019 12:11
Игор Ахба Аҧсны абжьаҟазаратә операциа анагӡара 25-шықәса ахыҵра иазкны имҩаҧгаз астол гьежь ихы алаирхәит
Астол гьежь аҳәаақәа ирҭагӡаны, Игор Ахба, Аҧсны Аҳәынҭқарра Ахада инапынҵала, урыстәылатәи абжьаҟазаҩцәа аҳәынҭқарратә ҳамҭақәа ранеишьеит.

Аҟәа. Абҵарамза 29. Аҧсныпресс. Урыстәылатәи Афедерациа Арбџьармчқәа рыштаб Хада аҿы Аҧсны абжьаҟазаратә операциа анагӡара 25-шықәса ахыҵра иазкны имҩаҧгаз астол гьежь мҩаҧысит. Аусмҩаҧгатә ихы алаирхәит Урыстәыла иҟоу аҷыдалкаатә зинмчы змоу Аҧсны Ацҳаражәҳәаҩ Игор Ахба.

Игор Ахба арратә академиа анапхгараҭара, астол гьежь аиҿкааҩцәа ирҭаз ааҧхьаразы ҭабуп ҳәа реиҳәеит. Игор Ахба Урыстәылатәи Афедерациа абжьаҟазаратә мчқәа Аҧсны аҭынчреи аҭышәынтәалареи рзы иахьа уажәраанӡа инарыгӡо аус аҵакы дуӡӡа инаҵшьны иазгәеиҭеит.

Аҧсны Аҳәынҭқарра Ахада Рауль Ҳаџьымба инапынҵала, Игор Ахба урыстәылатәи абжьаҟазаҩцәа Аҧсны аҳәынҭқарратә ҳәаа ахьчареи, ашәарҭадареи аҭышәынтәалареи реиҿкаареи рзы абжьаҟазаратә уснагӡатәқәа рынагӡаразы аҳәынҭқарратә ҳамҭақәа ранеишьеит.

Астол гьежь аиҿкааҩ – Арегионалбжьаратәи ауаажәларратә еиҿкара “Бџьаршьҭыхлатәи аиҿагыларақәеи, иҭыҧырку аибашьрақәеи рҿы абжьаҟазаратә мчқәа аветеранцәа Рхеилак “Абжьаҟазаҩ”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа