Ажәабжьқәа

Популярное

Игорь Адлеиба “Агалактикатә еиндаҭлара-4” аҿы абыжьбатәи аицлабра мҩаҧигараны дыҟоуп

116
16.05.2019 13:28
Игорь Адлеиба “Агалактикатә еиндаҭлара-4” аҿы абыжьбатәи аицлабра мҩаҧигараны дыҟоуп
Уаанӡа зымҩаҧгара еиҭагаз апрофессионалтә бокс ахәылҧаз “Агалактикатә еиндаҭлара-4”, лаҵарамза 10 рзы, Ектеринбург ақалақь аҿы имҩаҧгахоит. Уи аҿы дықәгылараны дыҟоуп абоксиор Игорь Адлеиба.

Аҟәа. Лаҵарамза 16. Аҧсныпресс. Ҭамара Ачба. Екатеринбург ақалақь аҿы, лаҵарамза 10 рзы апрофессионалтә бокс ахәылҧаз “Агалактикатә еиндаҭлара-4” мҩаҧысраны иҟоуп. Ара еиҧылараны иҟоуп аҧснытәи абоксиор Игорь Адлеибеи урыстәылатәи абоксиор Алексеи Тухтарови.

Аҧсны абҩарҵәыреи аспорти рзы аҳәынҭқарратә Еилакы ахантәаҩы ицхырааҩ Артур Адлеиба Аҧсныпресс акорреспондент диҿцәажәо, имҩаҧысраны иҟоу аиндаҭлара дахцәажәеит: “Ҳара аиндаҭлара мҩаҧаагараны ҳаҟан Шәача ақалақь аҿы, аха ишдыру еиҧш уи аусмҩаҧгатә амҩаҧгара мап ацәкын. Игорь Адлеиба ари аиндаҭлара ицәымӡырц азы апромоутер уи лаҵарамза 18 рзы амҩаҧгара азы аӡбара идикылеит. Игорь Адлеиба ахәбатәи аиндаҭлараҿы дықәгылараны дыҟоуп. Артур Адлеиба иҟаиҵаз адыррақәа рыла, аспортсмен ибзиоу аспорттә лшарақәа имоуп, Екатеринбург ақалақь аҿы уи испорттә ҧсҭазаараҿы абыжьбатәи аиндаҭлара мҩаҧигоит. “Ишиашоу ицо атранслиациа еиуеиҧшым аканалқәа  “Матч Боец”, “Бокс ТВ”, уҳәа, иара убас аҭыҧантәи аканал “Абаза ТВ” рыла идырбахоит. Убас ала, ҳаспорт абзиабаҩцәа аиндаҭлара шымҩаҧысуа иахәаҧшыртә алшара роуеит”, – ҳәа иҳәеит иара.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа