Ажәабжьқәа

Иаку иавтоматтәу аӡбара-инфомациатә система алагалара аҽҳәара ахгоуп

71
05.07.2019 17:35
Иаку иавтоматтәу аӡбара-инфомациатә система алагалара аҽҳәара ахгоуп
Аҧсны Жәлар Реизара – Апарламент аилатәара аҿы зҵаарак ауп амшхәаҧштә зҵаараны иқәгылаз.

Аҟәа. Ҧхынгәымза 5. Аҧсныпресс. Мадина Чагәааҧҳа. Аҧсны Жәлар Реизара – Апарламент аилатәара аҿы “Аӡбаратә мчра азы” Азакәан аиҭакрақәа алагалахеит.

Азакәан апроект адгалара мҩаҧго, аҳәынҭқарратә политика азы апарламенттә Еилакы ахантәаҩы Валери Агрба Апарламент аӡбаратә мчра аиҭакрақәа ралагалара иазырхоу азакәантә шәҟәынҵақәа аднакылоит, ареформақәа шьаҭанкылатәи апринципқәа иреиуоуп аргамара апринцип ауп ҳәа еизаз иргәалаиршәеит. Убри инамаданы, аӡбарҭақәа русура хымҧада иалагалазар ахәҭоуп иаку иавтоматтәу аӡбара-информациатә система. Аӡбаратә усбарҭақәа иахәҭоу апрограмматә аалыҵқәеи, иҷыдоу хықәкылатәи атехникеи рыла реиқәыршәаразы аматериал-текхникатә база ашьақәыргыларазы иарбоу аӡбара адкылара алыршахеит.

Валери Агрба инаҵшьны иазгәеиҭеит: “Рыцҳарас иҟалаз, иазҧхьагәаҭаз аҽҳәара азы апрограмма алагалара залымшахеит, иара аҽҳәарақәагьы изныкымкәа иахыҧон, избан акәзар, иавтоматтәу асистема ахамырхәра, апроцессуалтә усмҩаҧгатәқәа рзакәантә шьаҭа аицакра ацуп. Уи азинтә коллапс ахь ицәырнагар алшоит”.

Валери Агрба иҟаиҵаз алкаақәа рыла, азакәан апроект иаку иавтоматтәу аӡбара-информациатә система алагалара аҽҳәара, ҳазҭоу ашықәс абҵарамза 1 аҟынӡа  ахыгара азҧхьагәанаҭоит.

Азакәан апроект аҩбатәии аҵыхәтәантәии аҧхьарақәа рҿы ирыдыркылеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа