Ажәабжьқәа

Популярное

Иаку Аҧсны аԥсылманцәа рдоуҳатә усбарҭа: Зегьы зымчу ирыцҳашьара аҧсуа жәлар рахь иаарҧшны аҕа ииааиртә еиҧш амч риҭеит

597
14.08.2015 17:05
Иаку Аҧсны аԥсылманцәа рдоуҳатә усбарҭа: Зегьы зымчу ирыцҳашьара аҧсуа  жәлар рахь иаарҧшны  аҕа ииааиртә еиҧш амч риҭеит
Иаку Аҧсны аԥсылманцәа рдоуҳатә усбарҭа ахантәаҩы Салих Кәарцхьиа ақырҭуа мпыҵахалаҩцәа Аҧсны ианақәлаз амш иадҳәаланы официалла аҳәамҭа ҟаиҵеит. 

Аҟәа. Август 14. Аҧсныпресс. Аҳәамҭа аҿы иаҳәоит: 

“Август 14, 1992 – 1993 шш. Аҧсуа жәлар Рџьынџьтәылатәи еибашьра аналагаз Амш 23 шықәса ахыҵит. Усҟан иалагаз аибашьра иахҟьаны аҧсуа жәлар аҟазаареи аҟамзаареи ирыбжьагылеит, аетнос аиқәырхара ахархәага ҳасабла иҟоу аҳәынҭқаррагьы ақәхра ашәарҭара иҭагылеит. 

Ари иуадаҩыз, Ҳаҧсадгьыл аҧеиҧш аныӡбахоз аҭоурыхтә период азы Аҧсни уи ажәлари рыхьчаразы игылеит агәы зызҭаз зегьы. Убри аан урҭ иныҟәырго адин, милаҭс изеиуоу, уҳәа Аҧсны аума, уи анҭыҵ аума, - аӡәгьы ахшыҩзышьҭра аиҭомызт. 

Зегьы зымчу ирыцҳашьара аҧсуа жәлар рахь иаарҧшны аҕа ииааиртә еиҧш амч риҭеит. Атәылауаа зегьы рзин ахьчара ахьалыршахо, аидгылареи ацхыраареи аҭыҧ ахьамоу, иҕәҕәоу аҳәынҭқарра аргылара аус ҳалшаны ҳаныҟала, “уи аиааира хәыҷ” ҳшаҧсоу адунеи аҿы иҵабыргны ҳалацәажәартә ҳшыҟоу, убысҟан ауп ианышьақәҳарҕәҕәо. Абри аиааира азы ауп Аҧсни Кавказ аиашьаратә жәларқәеи Урыстәылеи иреиҕьу аҵеицәа рхы зқәырҵаз. Урҭ рыхьӡқәа хашҭра ҳзақәымзароуп, еиҵагыло абиҧара ирызнаҳгароуп. 

Аҧсуа жәлар аҟазаареи аҟамзаареи ианрыбжьагылаз аамҭазы, Ҭырқәтәыла, Шьамтәыла, Иорданиа инхо адиаспора, Нхыҵ Кавказ аиашьаратә жәларқәа рхаҭарнакцәа иреиуаны хатәгәаҧхарала Аҧсныҟа иааз аԥсылмантә динхаҵара ныҟәызгоз аибашьцәа, егьырҭ адинхаҵарақәа иреиуаз реиҧш, хьаҳә-хьачарак ҟамҵаӡакәа Аҧсны ахьчаразы иҩагылеит. Урҭ аиашамреи азалымдареи ирықәшәаз рзин ахьчара иазкны аԥсылман дин аҧҟарақәа ишарбо ала рхы мҩаҧыргеит. Аҧсны ахьыҧшымреи ахақәиҭреи зхы ақәызҵаз рацәаҩуп. Урҭ рахьтә зыҧсы ҭаны иаанхаз, иахьа егьырҭ адинхаҵарақәа ныҟәызго ирывагыланы Аҧснытәи аҳәынҭқарра ашьақәгылара аус аҿы ирылдыршо даара ирацәоуп. 

Зегь зымчу иҭахаз аибашьцәа ирықәыз агәнаҳара рықәыхразы, рыҧсы ҭынчхартә, Аҧсны аизҳазыҕьара аиурц азы ҳиҳәоит”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа