Ажәабжьқәа

«Иахьа аҵара ихадоу хырхарҭоуп аҳәынҭқарратә политикаҿы»,- аҵара аминистр Даур Наҷҟьебиа

331
04.10.2013 17:25

Жьҭаараза 5 рзы Аԥсны ашкол арҵаҩцәа азгәарҭоит рзанааҭтә ныҳәа – арҵаҩ Имш. Аныҳәа аламҭалаз аҵара аминистр Даур Наҷҟьебиа арҵаҩцәа аныҳәа рыдиныҳәалеит.

«Ҳаҭыр зқәу Аԥсны ашколқәа рҿы аус зуа арҵаҩцәа!

Гәык-ԥсык ала ишәыдысныҳәалоит шәзанааҭтә ныҳәа! Ҳтәылаҿы арҵаҩы изанааҭ жьытәнатә аахыс еиҳа апатуи аҳаҭыри зқәу занааҭс иԥхьаӡан. Акыр абиԥарақәа рҿы арҵаҩ еилиегӡон адырра рацәа, аԥсҭазааратә ԥышәа,  адоуҳатә ԥхарра. Ҳарҭ зегьы ҳаԥсҭазаара зегь иалган иаагоит ҳарҵаҩцәа рахь иҳамоу абзиабареи апатуқәҵареи.

Иахьа аҵара ихықәку хырхарҭоуп аҳәынҭқарратә политикаҿы. Уи иаанарԥшуеит ауаҩы иԥсҭазаара аҩаӡара. Ауаҩы иԥсҭазаара зегьы аҵара иҵоит, еиҳарак уажәтәи, ирласны зҽеизҭазкуа, зҽызыԥсахуа аԥсҭазаараҿы. Убри азоуп арҵаҩы иуал даара аҵак ду замоу.

Изызҳауа абиԥара рааӡара такԥхықәра дууп ауаажәаларреи аҳәынҭқарреи рзы. Шәара шәусура ауп еиҳарак аҿар рааӡара шьақәзыргылоу, уи иаанагоит ҳьтәыла аԥеиԥш бзиагьы! Ҳара ҳашколхәыҷкәа ареспубликатәи жәларбжьаратәии аицлабрақәеи аолмпиадақәеи рҿы аиааирақәа ргоит, иреиӷьу иреиҳаӡоу аҵараиурҭақәа ирҭалоит. Уи шәара шәџьабаа иалҵшәоуп, иалышәхыз аус гәыкала шәшазнеиуа аанарԥшуеит. Шәара ахәыҷқәа адырра ҿыцқәеи, ахәыцшьеи рымацара дшәырҵаӡом, урҭ иреилшәыркаауеит аиша, апшӡара закәу.

Хаҭыр зқәу арҵаҩцәа! Ҳхырхәоит әзҿаԥҿьа иаашәырԥшуа ачҳареи ақьиареи рзы, имариам есычнытәи шәџьабаазы. Гәык-ԥсык ала ишәзеиӷьасшьоит агәабзиара, анасыԥ, агәырӷьаратә, азанааҭтә қәҿиарақәа, шәгәы иҭашәкуа анагӡара, абаҩхатәра змоу, ақәҿиара аазырԥшуа, бзиа шәызбо аҵаҩцәа шәымазааит.

Ҳаҭырла, аҵара аминистр Даур Наҷҟьебиа.

 


Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа