Ажәабжьқәа

Популярное

Гулрыпшь араион аҿы аиубилеитә рыцхәқәа рызгәаҭара иазку аусмҩаҧгатәқәа рызҧхьагәаҭа шьақәырҕәҕәоуп

292
11.07.2018 13:37
Гулрыпшь араион аҿы аиубилеитә рыцхәқәа рызгәаҭара иазку аусмҩаҧгатәқәа рызҧхьагәаҭа шьақәырҕәҕәоуп
Гәылрыҧшь араион Ахадара аҿы Аҧсны Ахьыҧшымра Жәларбжьаратәи азхаҵара Амш 10-шықәса ахыҵреи, Аҧсны Аџьынџьтәылатәи еибашьра аҿы Аиааира агара Амш 25-шықәса ахыҵреи рызгәаҭара иазку аусмҩаҧгатәқәа рызҧхьагәаҭа шьақәырҕәҕәоуп.

Аҟәа. Ҧхынгәымза 11. Аҧсныпресс. Дамеи Касланӡиа. Гәылрыҧшь араион ахада ицхырааҩ Адица Ҳаџьымба Аҧсныпресс акорреспондент диҿцәажәо иҟалҵаз адыррақәа рыла, араион ахада Аслан Бараҭелиа, акультуреи аҵареи рыҟәшақәа еиқәдыршәаз аныҳәатә программа шьақәирҕәҕәеит. 

Адица Ҳаџьымба иҟалҵо адыррақәа рыла: 

“Наҳәамза 20 рзы, Маҷара аҳабла иҟоу араионтә культура Аҩны аҿы “Сара сҳәынҭқарра атәылауаҩ соуп” ҳәа хыс измоу аинформациа-еилыркааратә еиҿцәажәара мҩаҧысуеит. Иара убас, араион ахәыҷтәы рҿиаратә коллективқәа реиҧыларагьы мҩаҧгахоит. 

Нанҳәамза 24 рзы “Бзиа узбоит сыҧсадгьыл Аҧсны” ҳәа хыс измоу асахьаҭыхратә цәыргақәҵа мҩаҧгахоит. Иара убри аҽны, Агәыӡера аҳабла аҿы “Аҧсны ахәыҷқәа рыблала” ҳәа хыс измоу акаҭран аҿы иҭыху асахьақәа рконкурс мҩаҧгахоит, асааҭ 16:00 рзы Агәыӡератәи аспорткомплекс аҿы араион ахәыҷтәы командақәа рыбжьара ашьапылампыл маҷ азы аиҩызаратә еиҧылара мҩаҧысуеит. Убасҵәҟьа Гәылрыҧшьтәи ашкол аҿы абоксиортә ринг аартреи, абоксиор ҿарацәа рыбжьара мышкытәи атурнири еиҿкаахоит. Имҩаҧгахо аусмҩаҧгатәқәа рхыҧхьаӡараҿы иҟоуп "Сара сҳәынҭқарра Аҧсны атәылауаҩ соуп” ҳәа хыс иаманы ихацыркхо аҿартә патриоттә акциа. Асааҭ 18:00 рзы аклуб “Агәыӡера” аҿы еиҿкаахоит аныҳәатә-арлахҿыхратә программа “Сара Аҧсны аҧеиҧш бзиа шамоу азы агәра згоит!”Аныҳәатә программа асааҭ 21:00 рзы имҩаҧгахо афеирверк ала ихыркәшахоит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа