Ажәабжьқәа

Популярное

Геннади Гагәылиа Дмитри Медведев Урыстәылатәи Афедерациа анаҧхгара ахантәаҩы имаҵура аанкылара идиныҳәалеит

870
11.05.2018 11:13
Геннади Гагәылиа Дмитри Медведев Урыстәылатәи Афедерациа анаҧхгара ахантәаҩы имаҵура аанкылара идиныҳәалеит
“Аҧсны Аҳәынҭқарреи Урыстәылатәи Афедерациеи ирыбжьоу, ҳажәларқәа реиҩызаратә еизыҟазаашьақәеи агәреибагареи шьаҭас измоу аимабзиаратә усеицура арҕәҕәара аус аҿы Дмитри Медведев хаҭалатәи илагала, ҳтәыла аҿы даара ахә ҳаракны иршьоит", – ҳәа иазгәеиҭеит Геннади Гагәылиа адныҳәаларатә шәҟәы аҿы.

Аҟәа. Лаҵарамза 11. Аҧсныпресс. Аҧсны аҧыза-министр Геннади Гагәылиа Дмитри Медведев Урыстәылатәи Афедерациа Анаҧхгара Ахантәаҩы имаҵура аанкылара идиныҳәалеит. 

Адныҳәаларатә шәҟәы аҿы ахәҭакахьала иазгәаҭоуп: 

Ҳаҭыр зқәу Дмитри Анатоли-иҧа!

Исымоу алшара схы иархәаны, гәык-ҧсыкала ишәыдысныҳәалоит Урыстәылатәи Афедерациа Анапхгара Ахантәаҩы имаҵура аанкылара!

Зыҩаӡара ҳараку шәзанааҭдырреи аҳәынҭқарратә наҧхгараҭараҿы шықәсырацәалатәи шәҧышәеи, аиашазы Шәара ҳаҭыр зқәу, игәрагоу, хара ихәыцуа аполитики анаҧхгаҩи рыхьӡ арҳара шәылшеит. Ахәҭакахьала, Аҧсны Аҳәынҭқарреи Урыстәылатәи Афедерациеи ирыбжьоу, ҳажәларқәа реиҩызаратә еизыҟазаашьақәеи агәреибагареи шьаҭас измоу аимабзиаратә усеицура арҕәҕәара аус аҿы Дмитри Медведев хаҭалатәи илагала, ҳтәыла аҿы даара ахә ҳаракны иршьоит.

Ҳаҭыр зқәу Дмитри Анатоли-иҧа, азин сышәҭозар, ишәзеиҕьасшьар сҭахуп агәабзиара, агәамч, иҳараку аҳәынҭқарратә маҵураҟны аихьӡарақәа, Урыстәыла ажәлар зегьы ирзеиҕьасшьоит аҭынчра, аизҳазыҕьара".

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа