Ажәабжьқәа

Популярное

Геннади Гагәылиа Дмитри Медведев Аџьынџьтәылатәи Еибашьра Дуӡӡа аҿы Аиааира Амшныҳәа идиныҳәалеит

431
08.05.2018 12:41
Геннади Гагәылиа Дмитри Медведев Аџьынџьтәылатәи Еибашьра Дуӡӡа аҿы Аиааира Амшныҳәа идиныҳәалеит
“Лаҵарамза 9, афырхаҵареи, акзаареи, адоуҳатә мчи рсимвол аҳасабала, ҧыхьатәи Асовет Еидгыла ажәларқәа наунагӡа еиднакылеит”, – ҳәа иазгәеиҭеит Геннади Гагәылиа.

Аҟәа. Лаҵарамза 8. Аҧсныпресс. Аҧсны аҧыза-министр Геннади Гагәылиа Урыстәылатәи Афедерациа Анаҧхгара ахантәаҩы инапынҵақәа назыгӡо Дмитри Медведев, Аџьынџьтәылатәи Еибашьра Дуӡӡа аҿы Аиааира Амшныҳәа идиныҳәалеит.

Адныҳәаларатә шәҟәы аҿы ахәҭакахьала иазгәаҭоуп:
 
“Ҳаҭыр зқәу Дмитри Анатоли-иҧа! 

Адыҳәа дуӡӡа, Аиааира Ду Амшныҳәа шәыдысныҳәалоит! Лаҵарамза 9 афырхаҵареи, акзаареи, адоуҳатә мчи рсимвол аҳасабала, ҧыхьатәи Асовет Еидгыла ажәларқәа наунагӡа еиднакылеит. Аамҭа цацыҧхьаӡа, аибашьра аветеранцәа рхыҧхьаӡара еиҳа-еиҳа иагхоит, аха урҭ рфырхаҵара наунагӡа хашҭра ақәӡам!

Акциа “Ҧсра зқәым аполк” адунеи зегьы ахьынӡанаӡааӡо имҩаҧысуеит. Аиааира ҳзаазгаз афырхацәа, зыбзоурала ҳара иахьа аҭынч ҧсҭазаара ҳамоу ауаа, ҳаҭыр ду зқәу Аџьынџьтәылатәи Еибашьра Дуӡӡа аветеранцәа афотосахьақәа рҟынтәи акәзаргьы аныҳәа рбоит. Ҳара усҟантәи ашықәсқәа раан иҟаз ахҭысқәа рзы адыррақәа ҳамоуп, урҭ еиҵагыло абиҧара хымҧада ирыҭахоит. Ари игәырҕьаху, аамҭак ала алаҕырӡ зцу амш лаша аҽны, ҳаҭала сареи, аҧсуа жәлар зегьи рыхьӡала адныҳәаларақәеи иреиҕьу азеиҕьашьарақәеи шәыдышәкыл! Ажәҩан есымша илашазааит, абзарбзанқәа аныҳәақәа разгәаҭара мацаразы аҭынчра еиларгалааит!

Аиааира Ду Амшныҳәа шәадныҳәалазааит!”

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа