Ажәабжьқәа

Популярное

Гарри Аршба Аҧсны аҩныҵҟатәи аусқәа Рминистрра аҿазыҟаҵаратә Центр даҭааит

97
02.04.2019 12:08
Гарри Аршба Аҧсны аҩныҵҟатәи аусқәа Рминистрра аҿазыҟаҵаратә Центр даҭааит
Араҟа азанааҭдырратә ҩаӡара аизырҳара акурсқәа иахысуеит административтә практикеи, атәыла аҩныҵҟатәи аусқәа Рминистрра иатәу аҳәынҭқарратә автоинспекциа Аусбарҭа амҩатә ҧыҧшырҭатә маҵзуреи, аҳәынҭқарратә автоинспекциа ақалақьтә усбарҭақәеи, аҩныҵҟатәи аусқәа араионтә ҟәшақәеи ринспекторцәа.

Аҟәа. Мшаҧымза 2. Аҧсныпресс. Аҧсны аҩныҵҟатәи аусқәа рминистр Гарри Аршба Аҧсны аҩныҵҟатәи аусқәа Рминистрра аҿазыҟаҵаратә Центр даҭааит. Араҟа мшаҧымза 1, 2019 шықәса инаркны ахылаҧшырҭа аҟәшақәеи аҟәшеиҵақәшеи русзуҩцәа рзанааҭтә ҧышәа аҩаӡара аизырҳара аплан анагӡара хацыркхеит.

Аацҳамҭа излаанацҳауа ала, ҳазҭоу ашықәс аҵаратә зҧхьагәаҭа инақәыршәаны, азанааҭдырратә ҩаӡара аизырҳара акурсқәа иахысуеит административтә практикеи, атәыла аҩныҵҟатәи аусқәа Рминистрра иатәу аҳәынҭқарратә автоинспекциа Аусбарҭа амҩатә ҧыҧшырҭатә маҵзуреи, аҳәынҭқарратә автоинспекциа ақалақьтә усбарҭақәеи, аҩныҵҟатәи аусқәа араионтә ҟәшақәеи ринспекторцәа. Ҩымз ирҭагӡахо акурстә ҽазыҟаҵара анхыркәшахалак ашьҭахь, аҽазыҟаҵара иахысуа азыӡарҩцәа апрофилтә маҭәарқәа рыла азшьақәеи аҧышәарақәеи арҭоит. Азыӡырҩцәа зегьы рзанааҭтә дыррақәеи русуратә лшарақәеи рзы ахәшьара аҭахоит аҵара аихшьаалақәеи, уи иашьашәалоу асертификати рыла.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа