Ажәабжьқәа

Популярное

Гарри Аршба: Аҩныҵҟатәи аусқәа Рминистрра хаҭалатәи аилазаара 35 округи 152 участки рҿы ауааҧсыра ршәарҭадара иахылаҧшуеит

589
25.08.2019 15:22
Гарри Аршба: Аҩныҵҟатәи аусқәа Рминистрра хаҭалатәи аилазаара 35 округи 152 участки рҿы ауааҧсыра ршәарҭадара иахылаҧшуеит
Атәыла аҩныҵҟатәи аусқәа рминистр Аҳәынҭқарра Ахада иалхрақәа ршәарҭадара азы имҩаҧгоу ауснагӡатәқәа дрылацәажәеит.

Аҟәа. Нанҳәамза 25. Аҧсныпресс. Дамеи Касланӡаиа. Аҧсны аҩныҵҟатәи аусқәа рминистр Гарри Аршба Аҳәынҭқарра Ахада иалхрақәа ршәарҭадара азы имҩаҧгоу ауснагӡатәқәа дрылацәажәеит.

Гарри Аршба абас еиҧш адырра ҟаиҵеит: “Нанҳәамза 24 инаркны Аҧсны аҩныҵҟатәи аусқәа Рминистрра амаҵзура анагӡара ирҕәҕәоу арежим ахь ииагоуп.  Алхрақәа рымҩаҧгараан, 700-ҩык рҟынӡа инаӡо аҩныҵҟатәи аусқәа Рминистрра хаҭалатәи аилазаара 35 округи 152 участки рҿы ауааҧсыра ршәарҭадара иахылаҧшуан. Алхырҭатә ҭыҧхадақәа рааигәа-сигәа иҟоу аҭыҧқәа рҿы аҧыҧшырҭатә нариадқәа рхыҧхьаӡара иацҵоуп. Хаҭалатәи аилазаара ахықәкы хада – алхратә комиссиақәа русураҿы ацхыраара аҭареи, иара убас ауааҧсыра рыбжьара  ауаажәларратә ҭышәынтәалара ашьақәгылареи роуп”.

Убри аан, Гарри Аршба ауаажәларратә ҭышәынтәалара аилагара иадҳәалоу ахҭысқәа еиқәыиҧхьаӡеит: “Абри асааҭ азы ҩ-цәгьоурак ашәҟәы иҭагалоуп, уи – аџьармыкьа азааигәара иҟалаз арҳәра ауп. Ацәгьоура ҟазҵаз деилкаахеит, даанкылоуп, иара имхуп анаркотикатә маҭәашьар. Уаҳа ареспублика иахьаҵанакуа изеиҧшразаалак азинеилагара ҳәа акгьы аарҧшӡам”.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа