Ажәабжьқәа

Популярное

Гал ақалақь аҿы змаҵзуратә уалҧшьа анагӡараан иҭахаз амилициа аусзуҩцәа рмемориал аадыртит

41
08.11.2019 12:55
Гал ақалақь аҿы змаҵзуратә уалҧшьа анагӡараан иҭахаз амилициа аусзуҩцәа рмемориал аадыртит
Аусмҩаҧгатә ихы алаирхәит атәыла аҩныҵҟатәи аусқәа рминистр Гарри Аршба.

Аҟәа. Абҵарамза 8. Аҧсныпресс. Атәыла аҩныҵҟатәи аусқәа Рминистрра аусзуҩцәа рзанааҭтә ныҳәа аламҭалазы змаҵзуратә уалҧшьа анагӡараан иҭахаз аҩныҵҟатәи аусқәа Рминситрра  Гал араион амилициа аҟәша аусзуҩцәа рмемориал аартра иадҳәалаз аусмҩаҧгатә мҩаҧысит. Аусмҩаҧгатә рхы аладырхәит атәыла аҩныҵҟатәи аусқәа рминистр Гарри Аршба, Аҧсны аҩныҵҟатәи аусқәа Рминистрра аусзуҩцәа, аветеранцәа, амчратә стуруктурақәа рхаҭарнакцәа, араион Ахадареи ауаажәларреи рхаҭарнакцәа, афырхацәа рыуацәеи рҭахцәеи. Абри атәы аанацҳауеит Аҧсны аҩныҵҟатәи аусқәа Рминисстрра апресс-маҵзура.

Еизаз рахь ихы рханы Гарри Аршба иҳәеит: “Иахьа ҳара аус ҳацызуаз ҳҩызцәа ргәалашәара иазку амемориал ааҳартуеит. Урҭ азакәанреи аиашареи, ҳҳәынҭқарра хра злоу аҿиареи рхы ақәырҵеит. Дара иаадырҧшыз агәымшәареи афырхаҵареи еиҵагыло аофицарцәа рабиҧарақәа рзы иҿырҧшыганы иҟоуп”.

Гарри Аршба ари амемориал аҧҵара зыхәҭаа алазҵаз зегьы ҭабуп ҳәа реиҳәеит.

Еизаз зегьы амемориал амҵан ашәҭ шьыҵәрақәа шьҭарҵеит.


(АП): Аҧсны Аџьынџьтәылатәи еибашьраан аибашьра адәаҿы фырхаҵарыла иҭахеит 42-ҩык аҩныҵҟатәи аусқәа Рминистрра аусзуҩцәа. Аибашьрашьҭахьтәи аамҭазы Аҧсны азинзинеиҿкаара аиҭашьақәыргылара иазкны мҽхакы ҭбаала аусура мҩаҧгатәын. Амилициа аусзуҩцәа рҽеиҭныҧсахло еиҿкаау агәыҧқәа рыла аҧсуа-қырҭуа ҳәаа ахь ицон. Усҟан иҭахеит 64-ҩык амилициа аусзуҩцәа, урҭ рахьынтә 32-ҩык Гал араион аҩныҵҟатәи аусқәа рыҟәша аусзуҩцәа ракәын.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа