Ажәабжьқәа

Популярное

Гагреи Пицундеи рҭеиҭыҧш аиӷьтәра иаҿуп

603
20.10.2016 13:34
Гагреи Пицундеи рҭеиҭыҧш аиӷьтәра иаҿуп
Гагра ақалақьи араиони ркоммуналтә маҵзурақәа атерриториа аҭеиҭыҧш аиҕьтәра иадҳәалоу аусурақәа нарыгӡоит.

Аҟәа. Жьҭаарамза 20. Аҧсныпресс. Лана Ҵәыџьҧҳа. Гагра араион ахада Заур Бганба “Аҧсныпресс” акорреспондент диҿцәажәо иҟаиҵаз адыррақәа рыла. Аполитикатә репрессиақәа рымш азгәаҭара аламҭалазы, ақалақь “Акомсомолцәа рпарк” иахьаҵанакуа аҭеиҭыҧш арҽеира иадҳәалоу аусмҩаҧгатәқәа мҩаҧысуеит.

“1937-1938 шш. рзы харада ахара рыдҵаны иаанкылаз ауаа ахьҭадырхоз аҭыҧ азааигәара арыцқьаратә усмҩаҧгатәқәа мҩаҧысуеит”, – ҳәа иҳәеит Заур Бганба.

Иара убас, Ахадара аиҳабы, акомплекс “Ахьӡ-Аҧша амемориал” ахҧатәи аҟәша аҿы адгьыл ариашара иадҳәалоу ауснагӡатәқәа мҩаҧгоуп, амшын аҧшаҳәаҿы акәзар ашьаҟамҩа хаҳәцәыла ичаҧоуп ҳәа азгәеиҭеит.

“Иааиуа ашықәс азы амемориалтә комплекс аҿы иазҧхьагәаҭоу аргыларатә усурақәа зегьы хыркәшахоит”, – иҳәеит иара.

Иара убас, Заур Бганба, Пицунда ақалақь аҿы ацрыҵтә ҭҳәаақәа ррыцқьара иазырхоу амелиорациатә усурақәа мҩаҧысуеит ҳәа адырра ҟаиҵеит.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа