Ажәабжьқәа

Популярное

Гагратәи ареабилитациатә центр аҿы афизиопроцедуратә еиқәыршәага шьақәыргылоуп

535
20.10.2016 13:24
Гагратәи ареабилитациатә центр аҿы афизиопроцедуратә еиқәыршәага шьақәыргылоуп
Гагратәи ареабилитациатә центр ақәгыларатә-рныҟәагатә система ахәышәтәразы иҿыцу афизиопроцедуратә еиқәыршәага ҳамҭас иаҭоуп.

Аҟәа. Жьҭаарамза 20. Аҧсныпресс. Мадина Чагәааҧҳа. Аҧсны Аџьынџьтәылатәи еибашьара аветеранцәа Гагратәи ареабилитациатә центр ҳамҭас иаҭоу иҿыцу афизиопроцедуратә еиқәыршәага абзоурала, ргәабзиара аиҭашьақәыргыларазы даҽа лшарак рзаҧҵахеит.

Афизиопроцедуратә еиқәыршәага ҿыц иамоу алшарақәа ртәы Аҧсныпресс акорреспондент диҿцәажәо еиҭеиҳәеит Гагратәи ареабилитациатә центр аҳақьым хада Валери Аҩӡба.

“Беслан Барцыц Гагра араион ахадас даныҟаз аибашьра аветеранцәа Гагратәи ассоциациа ахь 500 нызқь мааҭ алеигалахьан. Абарҭ аҧаратә хархәагақәа рыла, ҳинвалидцәа рзы ихымҧадатәиу, ақәгыларатә-рныҟәагатә система ахәышәтәразы иҿыцу афизиопроцедуратә еиқәыршәага аахәан”, – ҳәа азгәеиҭеит иара.

Валери Аҩӡба иажәақәа рыла, “Аҧсны иахьатәи аамҭазы афизиопроцедуратә хәышәтәра зҭаху аинвалидцәа рхыҧхьаӡара 700-ҩык рҟынӡа инаӡоит. Уимоу, иарбоу аиқәыршәага ахархәарада, ареабилитациатә курс нагӡоуп ҳәа иузыҧхьаӡаӡом.

Иара убас, Валери Аҩӡба ишазгәеиҭаз ала аиҧш-зеиҧшу амедицинатә еиқәыршәага аклиникаҿы иҟан. “Аха, уи ажәит, убри аҟнытә иахәҭоу аҩаӡараҿы аусура алшомызт. Уажәы иҳауз аппаратура акәзар, ҳаамҭазтәи астандартқәа ирықәшәоит”, – ҳәа иҳәеит Гагратәи ареабилитациатә центр аҳақьым хада Валери Аҩӡба.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа