Ажәабжьқәа

Гагратәи абжьаратәи ашкол №1 аҿы шьаҭанкылатәи аиҭашьақәыргыларатә усурақәа ахыркәшамҭахь инеит

143
22.07.2019 12:33
Гагратәи абжьаратәи ашкол №1 аҿы шьаҭанкылатәи аиҭашьақәыргыларатә усурақәа ахыркәшамҭахь инеит
Иҿыцу аҵарашықәс азы Гагратәи абжьаратәи ашкол №1 аҵаҩцәа рыдкылара азы архиара азҧхьагәаҭоуп.

Аҟәа. Ҧхынгәымза 22. Аҧсныпресс. Мадина Чагәааҧҳа. Гаратәи абжьаратәи ашкол №1 аҿы шьаҭанкылатәи аиҭашьақәыргыларатә усурақәа ахыркәшамҭахь инеит.

Апрораб хада Ҭеимураз Ҷкотуа иажәақәа рыла, афинанстәра аганахьала ауадаҩрақәа цәырымҵыр, ашкол аҵарашықәс ҿыц азы аҵаҩцәа рыдкылара иазхиахоит. Аусурақәа 90% рҟынӡа инагӡоуп, афымцала аиқәыршәара, аҳауеиҭныҧсахлара, абылрацәыхьчаратә системақәа, иара убас аҧыҧшратә видеокамерақәа шьақәыргылоуп. Уаанӡа аобиектк мацара ахьгылаз аҭыҧ аҿы, иахьа ҧшь-корпуск ргылоуп: ҩба – арҵаратә, аизарақәа рзали аспортзали. Акорпусқәа рыбжьара ихыбу абжьысырҭа ҟаҵоуп. Ахыбра 70 кабинет аҵанакуеит. Хазы аӡҕабцәа рзы, афатәҟаҵара ахьырҵаша ауадақәеи, иара убас аҷкәынцәа анапҟазареи ауасҭареи ахьырҵаша ауадақәеи  азалхны иҟоуп. Ахимиеи афизикеи амаҭәарқәа рзы акабинетқәа ҳаамҭа иақәшәо иҿыцу аиқәыршәагақәа рыла ирхиоуп, аинформатика акабинет аҿы – акомпиутерқәеи иахәҭоу атехникеи шьақәыргылоуп.

“Уажәы ашколтә дәы ариашара иазку атехника аусура иаҿуп, хазы игоу ҭыҧқәак рҿы хаҳәцәыла ихҟьахоит. Ашьапылампыл дәы аргыларагьы азҧхьагәаҭоуп”, – ҳәа иажәабжь хыркәшо иазгәеиҭеит Ҭеимураз Ҷкотуа.

Возврат к списку


Амш зеиԥшрахо
Яндекс.Погода
Авалиута акурс
Социальные сети
Аӡырга
Аинформациатә алахәылаҩцәа